ჯანმრთელობის მდგომარეობის დიაგნოსტიკა ხელნაწერით
საშუალებას იძლევა, ხელნაწერის მიხედვით განისაზღვროს ადამიანის ჯანმრთელობის მდგომარეობა და მისი მიდრეკილება ზოგიერთი დაავადებისადმი.
გთავაზობთ ამ ტესტს:
- აიღეთ სუფთა ფურცელი (არ უნდა ჰქონდეს არც უჯრები და არც ხაზები!).
- მოიმარჯვეთ უბრალო ფანქარი ან კალმისტარი (ფერადი ფანქარი და ფლომასტერი არ გამოგადგებათ!).
- დაწერეთ დაახლოებით 10 სტრიქონი.
- შემდეგ ქვემოთ მოყვანილი კრიტერიუმებით შეაფასეთ თქვენი ხელნაწერი.
ხელნაწერის ზოგადი ხარისხი
- ყველა სიტყვა დაწერილია დაუდევრად - 3 ქულა.
- შერეული სტილი; სიტყვების ნაწილი დაწერილია შედარებით ფაქიზად, ნაწილი - დაუდევრად - 8 ქულა.
- ყველა სიტყვა დაწერილია მეტისმეტად ფაქიზად - 12 ქულა.
ასოთა შეერთება სიტყვებში
- სიტყვაში თითქმის ყველა ასო განცალკევებულია ერთმანეთისაგან - 22 ქულა.
- თითქმის ყველა ასო გადაბმულია - 18 ქულა.
ქაღალდზე ზეწოლის ძალა
- ძლიერი (ქაღალდზე ზეწოლის კვალია) - 20 ქულა.
- საშუალო - 14 ქულა.
- სუსტი (ქაღალდთან შეხება ძლივს შესამჩნევია) - 7 ქულა.
სტრიქონების მიმართულება
- სტრიქონები მიემართება ქვემოთ - 0 ქულა.
- სტრიქონები თანაბარი და სწორია - 11 ქულა.
- სტრიქონები მიემართება ზემოთ -15 ქულა.
ასოების ფორმა
- კუთხოვანი - 18 ქულა.
- განუსაზღვრელი ფორმისა - 9 ქულა.
- მომრგვალო - 8 ქულა.
ასოების დახრილობა
- სწორადაა დაწერილი - 9 ქულა.
- ძლიერაა დახრილი მარჯვნივ - 5 ქულა.
- სუსტადაა დახრილი მარჯვნივ - 13 ქულა.
- სუსტადაა დახრილი მარცხნივ - 4 ქულა.
- ძლიერაა დახრილი მარცხნივ - 1 ქულა.
ასოების ზომა
- დიდი ზომის ასოები (7 მმ-ზე მეტი) - 19 ქულა.
- საშუალო ზომის ასოები (5-7 მმ) -16 ქულა.
- მცირე ზომის ასოები (3-5 მმ) - 6 ქულა.
- მძივისებრი ანუ ძალიან მცირე ზომის ასოები (3 მმ-ზე ნაკლები) - 2 ქულა.
მიღებული ქულების დაჯამებით განსაზღვრეთ თქვენი ორგანიზმის ჯანმრთელობის მდგომარეობა და დაავადებებისადმი მიდრეკილება:
48 ქულაზე ნაკლები - ასეთი ხელნაწერი დამახასიათებელია ხანდაზმული ადამიანებისა და იმ პირთათვის, რომელთაც ძლიერ დაქვეითებული იმუნური სისტემა აქვთ.
48-დან 72 ქულამდე - ასეთი ხელნაწერის მქონე ადამიანები, ჩვეულებრივ, სხვადასხვა ნევროზით იტანჯებიან, მიდრეკილნი არიან სიმსუქნის, ალერგიისა და კუჭ-ნაწლავის პრობლემებისადმი. სამწუხაროდ, ეს კატეგორია ცხოვრების შედარებით უმოძრაო წესს მისდევს, რაც არის კიდეც მიღებული შედეგის მთავარი მიზეზი.
72-დან 95 ქულამდე - ასეთი ხელნაწერის მქონე ადამიანები მყარი ფსიქიკით გამოირჩევიან. ისინი ხშირად ცივდებიან, აწუხებთ ძილის სხვადასხვა სახის დარღვევა. მიდრეკილნი არიან ინფარქტებისა და ენდოკრინული დაავადებებისადმი.
95-დან 105 ქულამდე - ასეთი ხელნაწერის მქონე ადამიანებს ახასიათებთ მომატებული არტერიული წნევა. ხშირად არ ასრულებენ (არ იცავენ) ექიმის დანიშნულებას. მიდრეკილება აქვთ დიაბეტისა და ართრიტებისადმი.
105 ქულაზე მეტი - ასეთი ხელნაწერი აგრესიული ადამიანებისთვისაა დამახასიათებელი. ისინი კუჭის წყლულით ან გულის დაავადებებით იტანჯებიან. ხშირად სხვადასხვა სტიმულატორზე (ალკოჰოლი, ნარკოტიკული საშუალებები, დამამშვიდებელი პრეპარატები) დამოკიდებულება აღენიშნებათ.
