ამ თემაზე არ საუბრობენ
თუმცა ეს იმას არ ნიშნავს, რომ ქალს ცხოვრების ძირფესვიანად შეცვლა და საკუთარი თავის ყოველმხრივ შეზღუდვა მოუწევს. თუ რამდენიმე რჩევას გაითვალისწინებთ, სიტუაციას სწრაფად გაუმკლავდებით.
- ნუ შეამცირებთ სითხის ოდენობას, რომლის მიღებაც აუცილებელია ორგანიზმისთვის. მიიღეთ იმდენი, რამდენის მიღებასაც შეჩვეული ხართ. სითხის შეზღუდვამ შესაძლოა გამოიწვიოს ის, რომ შარდი უფრო კონცენტრირებული გახდეს. ეს გააღიზიანებს შარდის ბუშტს და მისი აქტივობის გაძლიერებამდე მიგიყვანთ.
- აკონტროლეთ წონა;
- კოფეინი, ალკოჰოლი და გაზიანი სასმელები შარდმდენი საშუალებებია. გახსოვდეთ ეს რესტორანში ან სტუმრად სასმლის არჩევისას.
- შარდის ბუშტის მუშაობას უკეთ გააკონტროლებთ, თუ სისტემატურად შეასრულებთ ვარჯიშებს მცირე მენჯის კუნთების გასამაგრებლად.
- თავი არიდეთ სტრესს.
- გამოიყენეთ უროლოგიური საფენები.
ქალები ადვილად პოულობენ საერთო ენას და ნებისმიერ სიტუაციაში შესანიშნავად უგებენ ერთმანეთს, მაგრამ არსებობს ისეთი თემებიც, რომელთა შესახებ მათ საუბარი უჭირთ. საიდუმლო არ არის, რომ ბევრ ქალს აწუხებს შარდის შეუკავებლობის პრობლემა, მაგრამ ამაზე იშვიათად საუბრობენ, ურჩევნიათ საიდუმლოდ შეინახონ ეს უსიამოვნება. მაგრამ ქალური სოლიდარობა ხომ სწორედ ის არის, რომ ერთმანეთს გავუზიაროთ ცოდნა და გამოცდილება, მით უმეტეს, როდესაც უმრავლესობა ცდილობს იპოვოს პასუხი კითხვებზე: "ვის მივმართოთ დახმარებისთვის?" "როგორ ავირჩიოთ დაცვის საშუალება?" რა სიტუაციასაც არ უნდა შეეჯახოთ, უპირველეს ყოვლისა, შეინარჩუნეთ პოზიტიური განწყობა. ექიმთან ვიზიტი შიშის გაქარწყლებაში დაგეხმარებათ, ხოლო სპეციალური ვარჯიშების კომპლექსის რეგულარული შესრულება - მცირე მენჯის კუნთების გამაგრებაში. ასეთ კომპლექსებს ინტერნეტის სოციალურ საიტებზეც იპოვით. ნებისმიერი ვარჯიშის დროს მნიშვნელოვანია თანამიმდევრულობა და რეგულარული შესრულება, ამიტომ განეწყვეთ ხანგრძლივი მუშობისთვის. იმედს ნუ დაკარგავთ, თუ ვარჯიშის პირველსავე კვირას ვერ იგრძენით მნიშვნელოვანი ცვლილება - ჩვეულებრივ, საჭიროა 3-6 თვე, რომ სასურველი შედეგი მივიღოთ და შეინარჩუნოთ. მოიკრიბეთ ნებისყოფა და ყველაფერი გამოგივათ!
სად არის სიმართლე?
ადამიანისთვის დამახასიათებელია ფანტაზიორობა. ინფორმაციის დეფიციტი გვაიძულებს, ვარაუდებისგან რთული კონსტრუქცია ავაგოთ, ვარაუდები ქმნიან მითებს და შედეგი სახეზეა - ჩვენ ერთმანეთში ვურევთ გამონაგონსა და რეალურს.
მითი #1
შარდის შეუკავებლობა მხოლოდ ხანდაზმული ადამიანების პრობლემაა. რეალურად კი შეუკავებლობას ნებისმიერ ასაკში შეიძლება შევხვდეთ. ხშირად ის ორსულობის თანმხლები პრობლემაა. შარდის შეუკავებლობას უჩივიან ნორჩი სპორტსმენებიც ინტენსიური ფიზიკური დატვირთვის დროს. შარდის შეუკავებლობის სხვა მიზეზებია სტრესი, ინფექციური დაავადებები, მენოპაუზა, დიურეტიკების უკონტროლო მიღება.
მითი #2
შარდის შეუკავებლობა იშვიათია. სინამდვილეში შარდის ბუშტის მუშაობის დარღვევა ძალიან გავრცელებული პრობლემაა. გამოკვლევების თანახმად, 35 წელს გადაცილებული ქალების 39% შარდის შეუკავებლობას უჩივის.
მითი #3
შარდის შეუკავებლობის დროს ადამიანმა მუდამ თან უნდა ატაროს გამოსაცვლელი თეთრეული, იხმაროს დეზოდორანტი და უარი თქვას მსუბუქ ტანსაცმელზე. რეალურად კი არსებობს უროლოგიური საფენები, რომლებიც სპეციალურად შარდის შესაწოვად არის განკუთვნილი. ისინი ისეთივე თხელია, როგორიც ჩვეულებრივი ჰიგიენური საფენები, მაგრამ გაცილებით მეტი სითხის შეწოვა შეუძლია. ისინი სპეციალური ტექნოლოგიით მზადდება, სპობს უსიამოვნო სუნს და სისუფთავესა და თავდაჯერებას გმატებთ.