რამდენიმე მითი, რომელიც მომავალ დედიკოებს დააინტერესებთ
არსებობს ძალიან ბევრი მოსაზრება, რომლებსაც მომავალ დედიკოებს თავს ახვევენ, და უმეტესი მათგანი არ შეესაბამება სინამდვილეს.
მითი 1 - გულძმარვა ნიშნავს, რომ ბავშვს ბევრი თმა ექნება.
მითი 2 - ბავშის სქესის დროზე ადრე განსაზღვრა შესაძლებელია.
არსებობს ძალიან ბევრი რიტუალი ბავშვის სქესის გასარკვევად. მაგალითად სქესის გამოცნობა ორსულის სახის ან მუცლის ფორმით, ბეჭდის ტრიალით - არცერთი მათგანი არ შეესაბამება სიმართლეს.
მითი 3 - ორსულმა ქალმა უნდა იკვებოს ორი ადამიანისთვის.
შესაძლოა, ორსულს დასჭირდეს კალორიების ოდნავ მომატება, მაგრამ ეს არავითარ შემთვევაში არ უნდა გადაიზარდოს ჭარბ კვებაში. ზედმეტი კვება შეიძლება საშიში იყოს როგორც ორსულისთვის, ასევე ნაყოფისთვის.
მითი 4 - ორსული ქალი უნდა მოერიდოს ვარჯიშს.
ესეც ერთ-ერთი მითია, რადგან ქალი კი არ უნდა მოერიდოს ფიზიკურ აქტივობას, პირიქით, აუცილებელია, რომ მან მსუბუქი ვარჯიშები შეასრულოს.
მითი 5 - ორსულებმა არ უნდა მიიღონ ისეთი საკვები, რომელიც ალერგიას იწვევს.
ორსულს შეუძლია მიიღოს ყველანაირი საკვები, რომელსაც ის ორსულობამდე იღებდა. არანაირი დამადასტურებელი ფაქტი არ არსებობს იმისა, რომ ისეთი საკვების მიღებით, როგორიცაა თხილი, მარწყვი და ა.შ, ნაყოფსაც შემდგომში ალერგია განუვითარდება.
მითი 6 - ქალმა ორსულობისას თავი უნდა შეიკავოს სექსუალური ურთიერთობისგან.
ძალიან იშვიათად ხდება ისე, რომ ექიმმა გირჩიოთ თავის შეკავება. ეს ხდება მაგალითად მაშინ, როცა ორსულს ძლიერი სისხლდენა ან წყლის დაღვრა აღენიშნება.
ავტორი: ია რომანაძე