წითურა და ორსულობა - რა საფრთხეს შეიცავს ნაყოფის ჯანმრთელობისთვის
წითურა ორსულებში საკმაოდ მძიმედ მიმდინარე ინფექცია შეიძლება აღმოჩნდეს, ვინაიდან ნაყოფის ინფიცირების შემთხვევაში ის მრავალ გართულებასა და დარღვევას იწვევს.
წითურას ნაყოფზე დამაზიანებელი ზემოქმედების ყველაზე დიდი რისკი პირველ ტრიმესტრშია. ამ დროს, დედის ინფიცირების შედეგად ინფექციის ნაყოფზე გადაცემის რისკი მაღალია.
თანდაყოლილი წითურას შედეგად დაბადებული ჩვილი გადამდებია და დაბადებისთანავე უნდა იყოს იზოლირებული.
წითურას სინდრომი ახალშობილებში შესაძლოა გამოვლინდეს:
- თანდაყოლილი კატარაქტის სახით;
- გულის თანდაყოლილი მანკის სახით;
- ნეირო-სენსორული სიყრუით;
- მცირე წონით
ჩვილობის პერიოდში შესაძლოა გამოვლინდეს ცერებრალური დამბლა და გონებრივი ჩამორჩენილობა.
წითურას საუკეთესო პრევენცია ვაქცინაციაა. სასურველია ორსულობამდე მოხდეს განსაზღვრა წითურას ანტისხეულებზე და ვაქცინაციის ჩატარება. ორულობა კი არ არის რეკომედებული იმუნიზაციიდან 1 თვის განმავლობაში.