მარიამ ფოლადაშვილი

თუმცა ზოგიერთ შემთხევვაში მას ახასიათებს გაციებისმაგვარი სიმპტომები:

• მაღალი ტემპერატურა;
• კუნთების ტკივილი;
• დაღლილობა;
• ყელის ტკივილი;
• ლიმფური კვანძების გადიდება

ტოქსოპლაზმოზს უჯრედშიდა პარაზიტი იწვევს. პარაზიტის საბოლოო მასპინძელია კატა. თავად კატა თაგვებისგან, ვირთხებისგან და ფრინველებისგან ინფიცირდება. კატა ფეკალიებთან ერთად გამოყოფს ოოციტებს(პარაზიტებს), რომლებიც ძალიან მდგრადია გარემო პირობების მიმართ. პარაზიტი ორგანიზმში კუჭ-ნაწლავის გზით ხვდება(დაბინძურებული პროდუქტით: ხილით, ბოსტნეულით), ასევე, კატასთან კონტაქტით, დაუმუშავებელი ხორცით.

რატომ არის ორსულისთვის სახიფათო?

დასნებოვნებული დედისგან ინფიცირება ხდება ტრანსპლაცენტარულად და ამ გზით გადაედება ნაყოფს. ნაყოფის ინფიცირების ალბათობა პირველ ტრიმესტრში 9 %მდეა, მეორეში 40%-მდე, მესამე 60%-მდე.

დედიდან ნაყოფზე ინფექციის გადასვლის შემთხვევაში ვითარდება ტოქსოპლაზმოსისთვის დამახასიათებელი კლასიკური სიმპტომები:

• მიკროცეფალია (თავის ტვინის სიმცირე);
• ჰიდროცეფალია (თავის ტვინის წყალმანკი);
• თვალის ბადურა გარსის ანთება;
• კრუნჩხვა;
• კალციფიკატები თავის ტვინში(კალციუმის ჩანართები)

იშვიათად შეიძლება შეგვხვდეს:

• სიყვითლე;
• დიარეა;
• ღებინება;
• ცხელება;
• პნევმონია;
• თრომბოციტების რიცხვის მკვეთრი შემცირება

ყველაზე მძიმე გართულება კი მკვდრადშობადობაა.

ვინაიდან ტოქსოპლაზმოზი მიეკუთვნება ხშირ ინფექციებს, სასურველია, ქალს დაორსულებამდე ჩატარებული ჰქონდეს შესაბამისი კვლევა - სისხლის შრატის გამოკვლევა ტოქსოპლაზმის ანტისხეულებზე.

პროფილაქტიკისთვის საჭიროა:

• მინიმუმამდე დავიყვნოთ კატის ფეკალიებთან კონტაქტი;
• ხელების ხშირი დაბანა, განსაკუთრებით ჭამის წინ;
• თერმულად საკმარისად დამუშავებული ხორცის მიღება;
• ხილის და ბოსტნეულის მიღებამდე მათი საფუძვლიანი გარეცხვა.