რომლებიც სხვადასხვა ორგანოს - თვალებს, ყურებს, ფილტვებს, ნაწლავებს, შარდის ბუშტსა და ხერხემალს - უკავშირდება. ხელის თითების მასაჟს, წესისამებრ, ნეკის მასირებით იწყებენ (დაახლოებით ფრჩხილის შუაწელიდან). მასირება ხდება მეორე ხელის ცერით, თავისუფალი, წრიული მოძრაობებით, 3-5-ჯერ, პროქსიმული (პირველი) ფალანგიდან დისტალურისკენ (თითის წვერისკენ) და საპირისპირო მიმართულებით. ასევე იზელენ საჩვენებელ და შუა თითებს, არათითსა და ცერსაც. ხელები დღის განმავლობაში მეტისმეტად იტვირთება. ტკივილი კისრისა თუ მხრისკენ ირადიაციით ხშირად სწორედ ზედა კიდურების გადაღლისა და გადაძაბვის შედეგია. მასაჟი ასეთ დროს დაძაბულობასა და დაღლილობას ხსნის. ვინაიდან ხელის მტევნებზე უხვად არის აქტიური რეფლექსური წერტილები, მათი მასაჟი კეთილისმყოფელ გავლენას ახდენს ადამიანის თვითშეგრძნებაზე, განურჩევლად ასაკისა და ჯანმრთელობის მდგომარეობისა.

მტევნების თვითმასაჟი მარტივია, განსაკუთრებულ მომზადებასა და ძალისხმევას არ საჭიროებს, ნებისმიერ დროს, ნებისმიერ ვითარებაში შეგიძლიათ ჩაიტაროთ. წრიული მოძრაობით ინტენსიურად დაიზილეთ თითების თითოეული ფალანგი, ისე, თითქოს ხელთათმანს იცვამდეთ და იჭიმავდეთ. შემდეგ ხელის ზურგზე გადადით და განაგრძეთ მასაჟი ზომიერი ზეწოლით, თითქოს ხელს იბანდეთ. აუცილებლად დაიზილეთ მაჯაც.

მტევნის მასაჟი სხვამაც შეიძლება ჩაგიტაროთ:

• პარტნიორის მარჯვენა მტევანს მოჰკიდეთ ხელები მარჯვენა და მარცხენა მხრიდან ისე, როგორც სურათზეა ნაჩვენები. თქვენი ცერა თითები პარტნიორის მტევნის ზურგზე უნდა იყოს განთავსებული. მასაჟი უნდა ჩატარდეს მსუბუქი ზეწოლით, განივი მიმართულებით, თითქოს მტევანს ერთგვარად წელავთ და შემდეგ ისევ აერთებთ.
• ხელები პარტნიორის მაჯაზე გადაიტანეთ, ისე, რომ დიდი თითები ისევ მტევნის ზურგზე დარჩეს, დანარჩენი თითები კი ხელისგულს იყოს ჩაჭიდებული. მსუბუქი და წრიული მოძრაობებით (როგორც სურათზეა ნაჩვენები) დაიწყეთ მაჯის ზელა.
• მარჯვენა ხელი მთლიანად შემოხვიეთ პარტნიორის მაჯას, ისე, რომ დიდი თითი ქვემოდან მოექცეს, დანარჩენები კი ზემოდან. მოხარეთ კიდური, დაეყრდენით იდაყვს ისე, რომ მტევანმა წინამხართან მართი კუთხე შექმნას. მოიზიდეთ პარტნიორის მტევანი და მარცხენა ხელით მსუბუქად დააწექით. დასასრულ, მისი კიდური გამართეთ და თქვენსკენ გაშალეთ.
• მარჯვენა ხელით განაგრძეთ პარტნიორის მაჯის ფიქსაცია, მარცხენა ხელით კი მტევანი ოდნავ უკან გადახარეთ.
• კიდური თავისუფლად დაუშვით, შემოაბრუნეთ ისე, რომ ხელისგული ზემოთ მოექცეს და ცერა თითებით (ისევე როგორც სურათზე) მაჯის შიგნითა ზედაპირის მასაჟი დაიწყეთ. მოძრაობები, გარდა იმისა, რომ წრიული უნდა იყოს, თანდათანობით უნდა ინაცვლებდეს დიდი (ცერა) თითისა და ნეკის ფუძის მიმართულებით.
• მარჯვენა ხელის ნეკი მოათავსეთ პარტნიორის IV და V თითებს (ანუ ნეკსა და არათითს) შორის, ხოლო მარცხენა ხელის ნეკი - პარტნიორის პირველ და მეორე თითებს (ანუ ცერსა და საჩვენებელ თითს) შორის. თქვენი ცერები პარტნიორის ხელისგულის შუაში უნდა იყოს მოთავსებული, დანარჩენი თითები კი ქვემოდან იჭერდეს მტევანს. მასაჟის დროს ქვემოდან უნდა განხორციელდეს მსუბუქი ზეწოლა, ხელისგულზე კი ცერა თითებით - ინტენსიური განივი მოძრაობები. მასაჟმა წრიული მოძრაობით თანდათანობით მთელი ხელისგული უნდა მოიცვას.
• პარტნიორის მტევანი ისე გადმოაბრუნეთ, რომ მისი ზურგი ზემოთ მოექცეს. თქვენი მარცხენა ხელით მისი მაჯა დააფიქსირეთ, მარჯვენა ხელით კი მტევანს ჩაეჭიდეთ. ცერა თითით დაუზილეთ პარტნიორს ნების თითოეული ძვლის თავი და მათ შორის არსებული სივრცე. ამ დროს ყველა მყესი გააქტიურდება.

მასაჟი შეგიძლიათ მორიგეობით ჩაიტაროთ ხან ერთ, ხან მეორე მტევანზე.