დღეში სამი წამი - გაძლიერებისთვის
მოკლე, მაგრამ რეგულარული ვარჯიში საკმარისია კუნთების სიმტკიცის ასამაღლებლად. ეს დასკვნა გააკეთეს ნიიგატას (იაპონია) უნივერსიტეტის მკვლევარებმა.
მეცნიერებმა ჩაატარეს ექსპერიმენტი, რომელშიც მონაწილეობდა 49 ჯანმრთელი ახალგაზრდა სტუდენტი, რომლებიც ძირითადად უმოძრაო ცხოვრების წესით ცხოვრობდნენ. მონაწილეები დაყვეს ოთხ ჯგუფად: სამ სასწავლო ჯგუფად, რომელთაგან თითოეული მოიცავდა 13 ადამიანს და ერთი საკონტროლო ჯგუფი, რომელიც მოიცავდა 10 ადამიანს.
20 დღის განმავლობაში, მონაწილეები ასრულებდნენ იდაყვის მომხრელი კუნთის ვარჯიშებს, მაქსიმალური დატვირთვით მხოლოდ სამი წამის განმავლობაში.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ერთმა ჯგუფმა შეასრულა იზომეტრიული ვარჯიში (როდესაც კუნთი სტატიკურად დაძაბულია, მაგრამ არც დაჭიმულია და არც შეკუმშული), მეორე ჯგუფმა შეასრულა კონცენტრული ვარჯიში (კუნთების შეკუმშვისას), ხოლო მესამე ჯგუფმა შეასრულა ექსცენტრიული ვარჯიში (როდესაც კუნთი დაჭიმულია).
ნებისმიერი ვარჯიშის დროს კუნთები იკუმშება და დუნდება. ფაზას, რომლის დროსაც კუნთი იკუმშება, ეწოდება კონცენტრული, ხოლო ფაზას, რომლის დროსაც დუნდება – ექსცენტრული. ექსცენტრული ტრენინგი – ვარჯიშია ექსცენტრული ფაზის დროს. ეს ისეთი ვარჯიშია, რომლის დროს შეკუმშული კუნთი გრძელდება.
საკონტროლო ჯგუფის მონაწილეები საერთოდ არ ვარჯიშობდნენ. ექსპერიმენტის დაწყებამდე და მისი დასრულების შემდეგ, ყველა მონაწილეში გაზომეს კუნთების მაქსიმალური თავისუფალი შეკუმშვის სიძლიერე.
აღმოჩნდა, რომ საკონტროლო ჯგუფისგან განსხვავებით, კუნთების სიძლიერე გაიზარდა ყველა მონაწილეში, ვინც ვარჯიშს ასრულებდა. მაგრამ ექსცენტრულმა ჯგუფმა აჩვენა საუკეთესო შედეგი - სულ მხოლოდ 60 წამიანი ვარჯიშის შემდეგ, მონაწილეთა კუნთების ძალა გაიზარდა 11,5%-ით.
„ხალხი, როგორც წესი, ფიქრობს, რომ შედეგის მისაღწევად საჭიროა ბევრი და ხანგრძლივი ვარჯიში. მაგრამ, როგორც ჩვენმა კვლევამ აჩვენა, ძალიან ხანმოკლე, მაგრამ მაღალი ხარისხის და რეგულარული დატვირთვაც კი შეიძლება სასარგებლო იყოს ორგანიზმისთვის“, - თქვა კვლევის წამყვანმა ავტორმა, პროფესორმა კენ ნოსაკამ.
