მარიამ ფოლადაშვილი

აკვიატებული უარყოფითი აზრები აწუხებთ, რამაც შესაძლოა თვითშეფასების დაქვეითება, სოციალური ურთიერთობებისთვის თავის არიდება და სხვა უფრო მნიშვნელოვანი პრობლემები გამოიწვიოს. ასეთი ადამიანები ხშირად ასრულებენ განსაზღვრულ მოქმედებებს (მუდმივად იმოწმებენ კუნთებს სარკეში და ეჯიბრებიან სხვებს).

უცნობია დისმორფოფობიის მიზეზი. ვარაუდობენ, რომ მის განვითარებაში გენეტიკური და გარემო ფაქტორები (დაბალი თვითშეფასება) მონაწილეობს.

დიაგნოსტიკა სპეციფიკური კრიტერიუმების მიხედვით ხდება. ექსპერტების უმეტესობა თანხმდება, რომ კუნთების დისმორფიის მქონე ადამიანებს მიდრეკილება აქვთ სტეროიდების მიღებისკენ. მათთვის ასევე დამახასიათებელია დაბალი თვითშეფასება, დეპრესიის მაღალი მაჩვენებელი და ვარჯიშისა და დიეტის აკვიატება. მაგალითად, კუნთოვანი მასის მოსამატებლად იკვებებიან მკაცრი განრიგით, რეჟიმის დარღვევა კი მათში შფოთვას და ემოციურ აშლილობას იწვევს.

კუნთების დისმორფიის მქონე ადამიანებს სჯერათ, რომ ძალიან გამხდრები ან არასაკმარისად დაკუნთულები არიან, თუმცა სინამდვილეში შესაძლოა პირიქით იყოს. ასეთი შეხედულების გამო მათ მთავარ საზრუნავად იქცევა სხეულის სასურველი ფორმების მიღწევა, რაც ხშირად ისეთი საშიში ჩვევების ჩამოყალიბებას იწვევს, როგორიცაა ზღვარგადასული ვარჯიში, რაციონის შეზღუდვა და ანაბოლური სტეროიდების გამოყენება. ასეთმა რეჟიმმა შესაძლოა გამოიწვიოს შფოთვა, დეპრესია და უარყოფითი გავლენა მოახდინოს ყოველდღიურ ცხოვრებაზე.

მკურნალობა თითოეული პაციენტისთვის ინდივიდუალურად იგეგმება. ის აუცილებლად სპეციალიზებულმა ექიმმა უნდა წარმართოს. მნიშვნელოვანია პაციენტის განათლება, მისთვის სწორი ინფორმაციის მიწოდება სხეულის ჯანმრთელი მოდელის, სწორი კვებისა და ზედმეტი ვარჯიშის საშიშროების შესახებ. შემეცნებითი ქცევის თერაპია პაციენტებს საშუალებას აძლევს, ამოიცნონ ირაციონალური ფიქრები და თავი დააღწიონ ნეგატიურ აზრებს. ისინი სწავლობენ არაჯანსაღი აზრების იდენტიფიცირებას და მათ სასიამოვნო ფიქრებით ცვლიან.ჰორმონების მიღების შეწყვეტა აუცილებელია ფიზიკური და ფსიქიკური ჯანმრთელობისთვის, მაგრამ ერთბაშად, ექიმის მეთვალყურეობის გარეშე, არ უნდა მოხდეს.