პედიატრი გვირჩევს
.
-
სათვალე რომ არ დაგვჭირდეს
ექიმები ერთხმად აღიარებენ, რომ სკოლამდელი ასაკის ბავშვისთვის ტიპურია შორსმხედველობა, 6-8 წლისთვის კი თვალის კაკლის ზრდასთან ერთად მხედველობა ნორმალიზდება.თუმცა, სამწუხაროდ, ეს ყველა ბავშვს არ ეხება, რაზეც სტასისტიკაც მეტყველებს. ამ პერიოდში ასეთი პატარების რაოდენობა 3-4-ჯერ იმატებს.
ექიმების აზრით, ამის მიზეზი ტელევიზორის ხანგრძლივი ყურება და კითხვის ნაადრევი დაწყებაა. ასე რომ, მინიმუმამდე შეამცირეთ ტელეეკრანთან გატარებული დრო, პატარას კითხვა დიდი ასოებით დააწყებინეთ და ნურც მეტისმეტად დატვირთავთ.
-
ათი ვარჯიში ბრტყელტერფიანებისთვის
დადგენილია, რომ ბრტყელტერფიანობისას არა მარტო ტერფი, არამედ ხერხემალიც ზიანდება, ამიტომ ექიმები გვირჩევენ, შევასრულოთ ვარჯიშები როგორც ტერფის თაღის, ისე ზურგის კუნთების გასამაგრებლად.
ზურგზე წოლისას
- ბავშვმა მაქსიმალურად უნდა გაჭიმოს ხელ-ფეხი და ამ მდგომარეობაში სცადოს თითების გაშლა და მოხრა;
- სთხოვეთ პატარას, ფეხის ცერა თითებით ჰაერში წრე შემოხაზოს. ქუსლი ამ დროს შიგნით უნდა იყოს მიმართული;
- ფეხებთან დადებულ ბურთს ბავშვმა ორივე ქუსლი უნდა შემოაჭდოს და ისე აიღოს და დადოს.მუცელზე წოლისას;
- ხელები აწყვია სხეულის გასწვრივ, ხელისგულებით იატაკისკენ, ფეხები შეტყუპებულია. ბავშვი რიგრიგობით სწევს ჯერ მარჯვენა, შემდეგ მარცხენა ხელს. ხელის აწევას თან სდევს ჩასუნთქვა, დაწევას - ამოსუნთქვა. ნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნსკამზე ჯდომისას ნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნნ
- ბავშვს ხელები მუხლებზე უწყვია, ფეხები ოდნავ განიგან აქვს გაწეული. პატარა ფეხის წვერებს ზემოთ სწევს, ხოლო ქუსლს იატაკს არ აცილებს და ტერფს მაქსიმალურად ხრის. დაბლა დაშვებისას თითები იშლება;
- ბავშვი ჯერ ქუსლებს ეყრდნობა და ფეხის წვერებს ზემოთ სწევს, შემდეგ კი თითის წვერებს ეყრდნობა და ქუსლებს სწევს მაღლა;
- მჯდომარე ვიმეორებთ მეორე ვარჯიშს;
- იატაკისგან ქუსლებისა და თითის წვერების მოუწყვეტლად მაქსიმალურად მაღლა ვწევთ ტერფის თაღს;
- ფეხისგულებს ერთმანეთს ვატყუპებთ ისე, რომ ტერფის გარეთა მხარე იატაკს ეხებოდეს;
- ტერფები მიტყუპებულია, მუხლებს შორის ბურთია მოთავსებული. მაღლა ვწევთ ტერფის შიგნითა კიდეს, ხოლო გარეთა მჭიდროდ ეხება იატაკს.