მუსიკის სამყაროში - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

მუსიკის სამყაროში

უჩვენეთ ნახატი მზის გამოსახულებით და მოუყევით, რომ ღამით მზეს სძინავს, არ გვათბობს, დილით კი იღვიძებს და თავისი სხივებით სამყაროს ანათებს, გვეფერება. შეგვიძლია, მზის სხივები პატარას ხელებით ვუჩვენოთ - ჩვენი თითები "სხივები" იქნება. ამ ყოველივეს კი მხიარული მუსიკა უნდა ახლდეს თან.

მუსიკით და სიმღერებითვე შეიძლება გავაცნოთ ბავშვს წელიწადის დროებიც. ისე არაფერი ავითარებს შემოქმედებით აზროვნებას, როგორც მუსიკალური ზღაპარი. არ გაუშვათ ხელიდან მისი ერთად მოსმენის შესაძლებლობა.

როგორ უნდა წარიმართოს ბავშვის მუსიკალური განვითარება?

0-დან 6 თვემდე

ეს მუსიკალური განვითარების პირველი საფეხურია. მშობლების ამოცანაა, გაუღვიძონ ბავშვს მუსიკისადმი ინტერესი, გამოიწვიონ მასში ემოციური გამოძახილი. ყველაზე ბუნებრივი და სასურველი ამ ასაკში დედის ან მამის სიმღერაა. უმღერეთ პატარას მხიარული სიმღერები დღისით და იავნანა ძილის წინ. მასთან ერთად უსმინეთ მხიარულ საბავშვო სიმღერებს. დროდადრო ხელში აიყვანეთ და ერთად იცეკვეთ ვალსი, ნაზად არწიეთ პატარა.

6 თვიდან 1 წლამდე

პატარა რეაგირებს მუსიკაზე - თავს ბგერების წყაროსკენ ატრიალებს. შეიძლება, ბავშვს მოვასმენინოთ სხვადასხვა ხასიათის მელოდია - ჩქარი და მხიარული, ნელი და წყნარი.

ბავშვისთვის მუსიკა ადვილი აღსაქმელი იქნება, თუ მას თოჯინების მეშვეობით "გააცოცხლებთ". სწრაფი და მხიარული მუსიკის თანხლებით თოჯინა ცეკვავს და მღერის, ხოლო ნელის თანხლებით იძინებს. ყურადღების განსავითარებელი თამაში: აიღეთ პატარა ზარი, მოასმენინეთ ბავშვს მისი წკრიალი, მერე დამალეთ, ისევ ააწკრიალეთ და ჰკითხეთ ბავშვს, სად არის სათამაშო.

1 წლიდან 2 წლამდე

პატარა უკვე აქტიურად მოძრაობს, ამბობს პირველ სიტყვებს. დროა, მისი ყურადღება მიაპყროთ დაბალ და მაღალ ბგერებს, ხმებს. მოუყევით მუსიკალურ ზღაპრებს, უჩვენეთ თოჯინური სპექტაკლები მუსიკალური თანხლებით. ყურადღება მიაქცევინეთ, როგორ გადადის ჩქარი მუსიკა ნელში და პირიქით. ამაში თვითნაკეთი კარუსელიც დაგეხმარებათ: აიღეთ რგოლი, მიამაგრეთ მას სხვადასხვა ფერის ლენტები და მუსიკის ხმაზე ატრიალეთ ტემპის შესაბამისად. ცვალეთ სიმღერის და, შესაბამისად, ბრუნვის ტემპი.

2-დან 3 წლამდე

ბავშვი აქტიურად მოძრაობს, ლაპარაკობს, შეუძლია ინფორმაციის საკმაოდ დიდი ნაკადის ათვისება. კვლავ ვუსმენთ მუსიკას, ვცვლით მის ტემპს. მუსიკის თანხლებით ითამაშეთ მატარებლობანა, მუსიკის ტემპთან ერთად ცვალეთ მატარებლის მოძრაობის სიჩქარე.

დახატეთ ორი კაცუნა, ერთი - მოწყენილი, მეორე კი მხიარული, მოასმენინეთ ბავშვს სხვადასხვაგვარი მუსიკა და ჰკითხეთ, რომელი კაცუნა შეესაბამება მოსმენილ მუსიკას. შესთავაზეთ გამოიცნოს, რომელი ინსტრუმენტი ჟღერს.