ხელიდან ან ფეხიდან სისხლდენის სწრაფად გასაჩერებლად დაზიანებული კიდური უნდა ავწიოთ ზევით - სისხლდენა ბავშვებში ტრავმების დროს
როდესაც ჭრილობიდან რამდენიმე წუთის განმავლობაში სისხლი მოდის, ეს მის ბუნებრივ გასუფთავებას უწყობს ხელს და დაბინძურებას აცილებს. მცირე სისხლდენა, ძლიერი სისხლდენისგან განსხვავებით, საშიში არ არის. თუმცა, ხელიდან ან ფეხიდან სისხლდენის სწრაფად გასაჩერებლად დაზიანებული კიდური უნდა ავწიოთ ზევით, ჭრილობა წინასწარ დავბანოთ. დაწოლილ ბავშვს კიდურის ქვეშ რამდენიმე ბალიში უნდა დავუდოთ. თუ სისხლდენა არ ჩერდება, ჭრილობაზე სტერილური დოლბანდი მოათავსეთ და დამწოლი ნახვევი დაადეთ.
ჭრილობა უნდა დაბანოთ სუფთა წყლითა და საპნით, ან დაამუშაოთ წყალბადის ზეჟანგის 3%-იანი ხსნარით, ან უბრალოდ დაზიანებული ადგილი ცივი წყლის ნაკადის ქვეშ მოათავსებინოთ რამდენიმე წუთის განმავლობაში, რაც ჭრილობის გასუფთავებასა და სისხლდენის შეჩერებაში დაგვეხმარება. არაა რეკომენდებული ჭრილობის იოდით დამუშავება.
ძლიერი სისხლდენისას აუცილებელია კიდურის ზევით აწევა და მასზე რამდენიმე ფენად დაკეცილი სუფთა ნაჭრის ან დოლბანდის მოთავსება, რომელიც არ უნდა მოაშოროთ ჭრილობას მაშინაც კი, როდესაც საფენი სისხლით გაიჟღინთება. ამ შემთხვევაში კიდევ ერთი დოლბანდის ტამპონი ან ნაჭერი უნდა დაადოთ. განსაკუთრებით ეს ეხება მუცელზე ან ბარძაყზე არსებულ ჭრილობას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სისხლდენის შეჩერების შემდეგ უნდა გავასუფთაოთ ჭრილობა და დამწოლი ნახვევი გავაკეთოთ, რომელიც მჭიდროდ დაეჭირება მას და გააჩერებს სისხლდენას. თუ ასეთი ნახვევის დადების შემდეგაც არ შეჩერდება სისხლდენა, დავაჭიროთ ტამპონი, მით უფრო, რომ სისხლდენათა უმეტესობა შეიძლება შევაჩეროთ ჭრილობაზე ხელის უბრალო დადებით. თუ სისხლი ძლიერი ნაკადით მოედინება, დაადეთ ლახტი დაზიანებულ კიდურზე, მაგრამ ნახევარი საათის შემდეგ მისი მოხსნა აუცილებელია.
ლახტის ფუნქციით შეიძლება გამოიყენოთ ნებისმიერი პირსახოცი, თოკი, თასმა და ა.შ. ლახტი ედება ჭრილობის ზევით. თუ სისხლი ღია ფერისაა, ის არტერიულია, მუქი სისხლი კი ვენური სისხლია და ლახტი ჭრილობის ქვევით უნდა დავადოთ.
