რა ნიუანსები უნდა გაითვალისწინონ მშობლებმა ზაფხულში ბავშვის მოვლასთან დაკავშირებით - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რა ნიუანსები უნდა გაითვალისწინონ მშობლებმა ზაფხულში ბავშვის მოვლასთან დაკავშირებით

ბავშვებისთვის სასარგებლოა მზის აბაზანების მიღება, მაგრამ მხოლოდ მაშინ, როდესაც მზე ძლიერად არ აცხუნებს. ამიტომ სასეირნოდ გამოსვლა საჭიროა დილას ან საღამოს. მნიშვნელოვანია, რომ ბავშვი ჩაცმული იყოს ამინდის შესაბამისად და მივცეთ მას საკმარისი რაოდენობით წყალი. ეს დაიცავს ბავშვს გადახურებისა და გაუწყლოებისაგან.

ზაფხულში ბავშვი ხშირად უნდა ვაბანაოთ. ამით დავიცავთ მას გამოყელვისა და ნაოფლარისაგან. წყლის ტემპერატურა უნდა იყოს ბავშვისთვის სასიამოვნო, 36-37 გრადუსი. თუ ბავშვის გაკაჟებას გადაწყვეტთ, თანდათანობით შეამცირეთ თითო გრადუსით წყლის ტემპერატურა და დაიყვანეთ 28 გრადუსამდე.

ყოველ ჯერზე საპნის გამოყენება საჭირო არ არის. თავის დაბანა შამპუნით კვირაში ერთხელ საკმარისი იქნება, ხოლო საპნით ტანის დაბანა – კვირაში 2-ჯერ. წყალში ყოფნისას განსაკუთრებული ყურადღება უნდა მივაქციოთ ყურების მდგომარეობას. არ შეიძლება ყურში ბამბის ტამპონების მოთავსება, რადგანაც ის დასველდება და შეიძლება ყურში წყალი დარჩეს. დაბანის შემდეგ ბავშვს თავი ჯერ ერთ მხარეს უნდა მოვუთავსოთ, დაველოდოთ ერთი წუთი, ვიდრე წყალი არ გამოვა და შემდეგ გადავაბრუნოთ მეორე მხარეს. ამის შემდეგ შევამშრალოთ ყურის გარეთა ნაწილი სუფთა პირსახოცით. არ შეიძლება ყურის შიგნით წმენდა ბამბის ჩხირით. გოგირდი მხოლოდ გარედან გაასუფთავეთ და გამოიყენეთ მხოლოდ სპეციალური საბავშვო ჩხირები, რომელთაც აქვთ შემომსაზღვრელი ბოლოები.

ზაფხულში ბავშვი შეიძლება ადვილად დასნებოვნდეს ნაწლავური ინფექციით. ამიტომ განსაკუთრებული ყურადღება უნდა დავუთმოთ საკვების ხარისხს, ყურადღებით შევისწავლოთ პროდუქტების ვარგისიანობა და შენახვის პირობები. ხელები ხშირად უნდა დავიბანოთ და კარგად გავრეცხოთ ხილი და ბოსტნეული.

ზაფხულში ბავშვის საფენის დროულ გამოცვლას დიდი მნიშვნელობა აქვს. შარდისა და განავლის კანთან შეხებამ გარემოს მაღალი ტემპერატურისას შეიძლება გამოიწვიოს გამოყელვა და გაღიზიანება. ეს რომ არ მოხდეს: საფენი, სულ მცირე, ყოველ 3 საათში ერთხელ უნდა გამოვუცვალოთ და ჩავბანოთ თბილი წყლით. თუ გარემო და პირობები ხელს არ გვიწყობს, შეიძლება ამ მიზნით სველი ხელსახოცების გამოყენება. თბილ ამინდში მნიშვნელოვანია ჰაერის აბაზანები. დავტოვოთ ბავშვი საფენის გარეშე ნახევარი საათის განმავლობაში. ნაკეცებსა და კანზე წავუსვათ ბავშვის კრემი ან ზეთი. გამონაყარისა და გაღიზიანებისას ის უნდა დამუშავდეს სპეციალური კრემის საშუალებით.

ბევრი ოჯახი ზაფხულში მანქანით მოგზაურობს. ამიტომ აქტუალური ხდება ბავშვის რყევის პრობლემა. პატარამ კარგად რომ გადაიტანოს ავტომობილით მგზავრობა, მისი ვესტიბულური აპარატის გავარჯიშებაა საჭირო. ამისათვის საჭიროა მასთან ერთად ტრიალი, ამპლიტუდის თანდათანობით გაზრდით.

ზაფხული წლის ერთ-ერთი ყველაზე სასიამოვნო პერიოდია. მნიშვნელოვანია, გულდასმით შევასრულოთ პატარას მოვლის წესები, რომ წელიწადის ეს დრო სასიამოვნოდ და სასარგებლოდ გავატაროთ ჩვენს ჩვილთან ერთად.