ზამთარში დაბადებული ბავშვების ფიზიკური და ფსიქიკური თავისებურებები
მათი მტკიცებით, ამ ურთიერთკავშირის საიდუმლო დედის ცხოვრების წესი, მზის აქტივობის დონე და ბავშვის დაბადების დროს არსებული გარემოებებია.
ბავშვის ჯანმრთელობას, მათ ფიზიკურ თუ გონებრივ თავისებურებებს კი უკვე მეცნიერები სწავლობენ და კვლევებზე დაყრდნობით აკეთებენ დასაბუთებულ დასკვნებს.
ქვემოთ რამდენიმე საინტერესო ფაქტს შემოგთავაზებთ ზამთარში დაბადებული ბავშვების შესახებ.
ხასიათი
ზამთარში დაბადებული ბავშვები შრომისმოყვარე, ჯიუტი, შეუპოვარი და ბავშვობიდანვე მუყაითები არიან. სიჯიუტის წყალობით, ისინი დიდ წარმატებებს აღწევენ სპორტში. ამ თავდაჯერებულ ბავშვებს აქვთ მაღალი თვითშეფასების უნარი.
ზამთრის ბავშვებს უყვართ კამათი, დისკუსიაში მონაწილეობის მიღება, გააჩნიათ თავიანთი მოსაზრებები, აქვთ დამოუკიდებლობის სურვილი. სწორი საგანმანათლებლო აღზრდით ეს ყველაფერი შეიძლება თვითმყოფადობაში გადაიზარდოს.
იმუნიტეტი
ზამთრის ბავშვებს უფრო ძლიერი იმუნიტეტი აქვთ. ამის მიზეზი ისაა, რომ მათი დედები გაზაფხულსა და ზაფხულს მზესა და სუფთა ჰაერზე ატარებენ, ახალი ხილითა და ბოსტნეულით იკვებებიან, რაც აძლიერებს პატარის ჯანმრთელობის დაცვით ფუნქციებს.
ტენესის უნივერსიტეტის მეცნიერებმა შეისწავლეს, თუ რომელი დაავადებების მიმართ არიან მიდრეკილი ზამთრის ბავშვები. ეს დაავადებებია: დეპრესია, ბრონქული ასთმა, თავის ტკივილი, ალერგია, D ვიტამინის ნაკლებობა.
მხედველობა
ზამთრის ბავშვები შორსმხედველები არიან. მეცნიერებმა წელიწადის სხვადასხვა დროს დაბადებული 300 000 ბავშვი გამოიკვლიეს და დაასკვნეს, რომ ზაფხულში დაბადებული ბავშვები ახლომხედველები არიან, ზამთრისანი კი – შორსმხედველები.
ამასთან გაირკვა, რომ ზამთრის ბავშვებს სიცოცხლის განმავლობაში იშვიათად ემართებათ თვალის დაავადებები. ეს იმით აიხსნება, რომ ზამთარში მზე ნაკლებად აქტიურია და ჩვილები არ განიცდიან მზის სხივების საშიშ ზემოქმედებას.
რატომ არიან ზამთრის ბავშვები დღეგრძელები? ევროპელმა სოციოლოგებმა კვლევები ჩაატარეს და დაადგინეს, რომ ზამთრის ბავშვებს (განსაკუთრებით დეკემბერში დაბადებულებს) 20%-ით მეტი შანსი აქვთ, იცოცხლონ 95 წელზე მეტხანს. ეს ხომ ფიზიკურად ამტანი, მყარი იმუნიტეტის მქონე ხალხია.
დაბადება
ზამთრის ბავშვები დროზე ადრე იბადებიან. დიახ, სტატისტიკის თანახმად, დეკემბერში, იანვარსა და თებერვალში დაბადებული ბავშვები ძალიან ხშირად 7-10 დღით ადრე ევლინებიან ქვეყანას. ექიმების თქმით, როგორც წესი, ეს უკავშირდება დედის მიერ შემოდგომით გადატანილ ვირუსულ დაავადებებს, რასაც ის ნაადრევ მშობიარობამდე მიჰყავს.
დაბოლოს: წელიწადის დროს შეუძლია გავლენა მოახდინოს ბავშვის ხასიათის თავისებურებებზე. მაგრამ თითოეული ბავშვი, რომელიც ქვეყანას ევლინება, მიუხედავად მისი დაბადების თარიღისა, ნამდვილი სასწაული ხდება მშობლებისათვის.
როგორ მოვუაროთ ბავშვს ზამთარში
ზამთრის დადგომასთან ერთად, აუცილებელია ბავშვის ჯანმრთელობაზე განსაკუთრებული ზრუნვა.
ზამთარი და ჩვენი პატარა
ცივ დღეებში სხეული კარგავს სითბოს, სუსტდება და შესაბამისად, მეტად მიდრეკილია ინფექციებისკენ. ქვეითდება იმუნური სისტემა, რასაც ზოგიერთი მკვლევარი, მზის ნაკლებობასაც მიაწერს. გრიპის ვირუსიც, ზაფხულთან შედარებით, ზამთარში ძლიერდება. მიუხედავად იმისა, რომ ცოტა რამის გაკეთება შეგიძლიათ გრიპის შესაჩერებლად, ეს რჩევები დაგეხმარებათ, პატარას ზამთარი ჯანმრთელად და კომფორტულად გაატარებინოთ.
აჯობეთ ცივ ამინდს
- თბილად შეუფუთეთ პატარას გულ-მკერდი და თავი. კვლევებმა აჩვენა, რომ სხეულის სითბოს 30%-ს სწორედ თავის მეშვეობით ვკარგავთ.
- ეცადეთ თქვენი პატარა ზამთარში აქტიური იყოს, რადგან ფიზიკური აქტივობა ზრდის მებრძოლი უჯრედების რაოდენობას.
- დარწმუნდით, რომ მას ბევრი სძინავს. კარგ ძილს შეუძლია გაზარდოს სხეულის რეაქცია ინფექციებზე.
- კვებეთ C ვიტამინით მდიდარი პროდუქტებით, როგორიცაა ფორთოხალი, კენკრა და კივი, რაც აძლიერებს იმუნიტეტს.
- გამოუმუშავეთ ხელის დაბანის ჩვევა, რადგან ეს დაეხმარება ბაქტერიებთან ბრძოლაში.
- დარწმუნდით, რომ სვამს ბევრ წყალს, რადგან ეს თირკმელებს აჯანსაღებს და გამოდევნის ტოქსინებს.
- შეძლებისდაგვარად მოერიდეთ თქვენს შვილს გაციების, ხველებისა და ვირუსული ინფექციით დაავადების დროს.
ფეხის მოვლა ზამთარში
- გამოიყენეთ ეთერზეთები აბაზანის წყალში.
- პიტნის ზეთს შეუძლია მოხსნას ფეხების ტკივილი, როზმარინის ზეთს კი – გაათბოს ცივი ფეხები და გააუმჯობესოს სისხლის მიმოქცევა.
- წაუსვით დამატენიანებელი საცხი რბილი ქუსლების შესანარჩუნებლად.
- ჩააცვით ბამბის წინდები.
მთელი სხეულის მოვლა
- თუ თქვენ ცხოვრობთ ცივ კლიმატიან ადგილას, მიაჩვიეთ თქვენი შვილი ატაროს ხელთათმანები, რადგან ხელზე კანი უფრო თხელია, ვიდრე სხეულის დანარჩენ ნაწილებში.
- დაუფარეთ ბავშვს ყურები ზამთარში. შეფუთეთ თბილ შარფში სიცივის თავიდან ასაცილებლად!
- თუ მის ოთახში იყენებთ გამათბობელს, დადგით თასით წყალი, რათა დაიცვათ მისი კანი გამოშრობისგან.
- არ აბანაოთ ცხელი წყლით, რომ არ გამოუშრეს კანი.
- თუ თქვენი ბავშვის კანი მშრალია და იქავებს, მის აბაზანას დაამატეთ შვრიის ფაფა ან საცხობი სოდა. ეს დაამშვიდებს კანს და შეამცირებს ქავილს.
ამ მარტივი რჩევებით შეგიძლიათ, ზამთრის სეზონი ბავშვს ჯანმრთელად და ბედნიერად გაატარებინოთ.
