ბავშვის კვება

დავუმეგობრდეთ სტაფილოს

14.05.2011

ვიცი, რომ სტაფილო ძალიან სასარგებლოა ბავშვის ორგანიზმისთვის, მაგრამ გამიგონია, მისი ჭარბი მიღება სიყვითლეს იწვევსო.

გთხოვთ გვირჩიოთ, როგორ, რა სახით მივცეთ ბავშვს სტაფილო ისე, რომ არ ავნოს.

სასარგებლო თვისებები

სტაფილო A ვიტამინის ბუნებრივი წყაროა. ის შეიცავს სხვა ბოსტნეულზე გაცილებთ მეტ კაროტინს - პროვიტამინ A -ს. ერთი ცალი საშუალო ზომის სტაფილო სავსებით საკმარისია ორგანიზმის დღიური მოთხოვნილების დასაკმაყოფილებლად.

სტაფილო აუმჯობესებს საჭმლის მონელებას, წმენდს თირკმელებს, გამოაქვს ქვიშა. კაროტინი, რომლითაც ასე მდიდარია სტაფილო, ხელს უწყობს ნორმალურ ფიზიკურ და გონებრივ განვითარებას, აძლიერებს ორგანიზმის დამცავ ფუნქციებს.

ბავშვებს წვენთან ერთად მიეცით გახეხილი ან მთელი სტაფილოც, ვინაიდან მისი უჯრედისი წმენდს ორგანიზმს, გამოაქვს ქოლესტერინი. სტაფილოს მწვანე ფოთლებიც კი სასარგებლოა - მათში C ვიტამინი გაცილებით მეტია, ვიდრე თვით ფორთოხალსა და გრეიპფრუტში.

სტაფილოს საიდუმლო


/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });

სტაფილოს აქვს მრავალი პატარ-პატარა საიდუმლო, რომელთა ცოდნა დედებისთვის აუცილებელია. თურმე ზედა ფენები გაცილებით მეტ კაროტინს შეიცავს, ვიდრე გული. სამაგიეროდ, გულში მეტია უჯრედისი. ამიტომ როცა სტაფილოს გაასუფთავებთ და გამდინარე ცივი წყლით გარეცხავთ, მთლიანად მიეცით პატარას, ნუ გაჭრით, გულს ნუ ამოუღებთ, გულიანად გახეხეთ.

ორგანიზმი კაროტინს უკეთ აითვისებს, თუ სტაფილოს მივაყოლებთ არაჟანს ან კარაქიანი პურის ნაჭერს.

სტაფილოს წვენი - ჯანმრთელობის ელექსირი

შეკითხვა ექიმს

<p>-გამარჯობა.მყავს 18 Თვის Შვილი.არის Თუ არა მარგებელი საზამᲗრო მისᲗვის? მისმა პედიატრმა გვიᲗხრა არ აᲭამოᲗო არაა სასარგებლოვო</p>

სტაფილო ძალიან უხდება ნივთიერებათა ცვლას, მის ახალგამოწურულ წვენს კი გაცილებით სწრაფი ეფექტი აქვს. სტაფილოს წვენი ძალზე სასარგებლოა ბავშვებისთვის, ორსულებისა და მათთვის, ვისაც იმუნიტეტი აქვს დაქვეითებული.

წვენი ჩვილი ბავშვებისთვის პროვიტამინების შესანიშნავი წყაროა. გარდა ამისა, კარგია ნაწლავთა აშლილობისა და ჭიების (ჰელმინთების) დროს.

სტაფილოს წვენი, გარდა კაროტინისა და A ვიტამინისა, მდიდარია მიკროელემენტებით - რკინით, ფოსფორითა და კალციუმით.

კიდევ რა სარგებლობა მოაქვს სტაფილოს წვენს?

აუმჯობესებს მადას, საჭმლის მონელებას;
უხდება მხედველობას, კანს, ამაგრებს კბილებს;
აწესრიგებს ნერვულ სისტემას;
ზრდის ინფექციებისადმი ორგანიზმის ბრძოლისუნარიანობას;
ამაღლებს ტონუსს, იმუნიტეტს;
დადებითად მოქმედებს ენდოკრინული ჯირკვლების მუშაობაზე;
ხელს უწყობს სიმაღლეში ზრდას.

რომ არ გვავნოს

ბავშვისთვის მავნეა როგორც სტაფილოს დეფიციტი, ასევე მისი სიჭარბე. დღეში 1 ჭიქა (დაახლოებით 200 მლ) ახალგამოწურული სტაფილოს წვენი სავსებით საკმარისია. შეიძლება მისი ორად გაყოფაც, თუ პატარა ერთ ჯერზე ვერ მოერია. კარგი იქნება, თუ ჩაუტარებთ ათდღიან კურსს, მერე კი სამი კვირით დაასვენებთ. არ დაგავიწყდეთ სტაფილოსთვის არაჟნის დაყოლება!

შუალედის დაცვა აუცილებელია, იმიტომ რომ თუ წვენის მიღება ათ დღეზე მეტხანს გაგრძელდა, შესაძლოს ბავშვი თვითონვე დაემსგავსოს სტაფილოს - კანი ნარინჯისფერ-ყვითლად შეეფეროს. პედიატრები ამას კაროტინულ (სტაფილოსმიერ) სიყვითლეს უწოდებენ. საბედნიეროდ, მას არაფერი აქვს საერთო ღვიძლისა და სანაღვლე გზების პათოლოგიით გამოწვეულ სიყვითლესთან. სპეციფიკური მკურნალობაც კი არ სჭირდება. მოთმინებით დაველოდოთ - რამდენიმე დღის შემდეგ ბავშვს ჩვეული ფერი დაუბრუნდება. ოღონდ, რა თქმა უნდა, თუ სტაფილოს წვენის მიღებას შევწყვეტთ!

წვენის მოსამზადებლად უმჯობესია შეარჩიოთ მსხვილი ძირხვენები. ახალგამოწურული წვენის შენახვა შეიძლება არა უმეტეს 30 წუთისა. ამის შემდეგ იგი კარგავს სასარგებლო თვისებებს, ეცვლება ფერი და გემო.

სასარგებლო რჩევები

უმადობის, საერთო სისუსტის, მინერალური ცვლის დარღვევის დროს კარგია 1 სადილის კოვზი სტაფილოს წვენი დღეში სამჯერ ჭამამდე, ერთი თვის განმავლობაში.
ლაქტაციის გასაუმჯობესებლად მეძუძურმა დედამ დღეში 2-ჯერ უნდა მიიღოს 100 მლ სტაფილოს წვენი. უკეთესი შედეგისთვის შეგიძლიათ წვენს დაუმატოთ რძე (1 წილი 2 წილ წვენზე).
რძიანი სტაფილოს წვენი ნერვული სისტემის დასამშვიდებლადაც კარგია, ოღონდ 1-2 ჩაის კოვზი თაფლი უნდა დაუმატოთ. ეს ნაყენი მიირთვით ყოველ საღამოს, ძილის წინ.
თუ დილით, უზმოზე დალევთ 150-200 მლ სტაფილოს წვენს, აღარ შეგაწუხებთ შეკრულობა. ეს დოზა რეკომენდებულია მოზრდილებისთვის, პატარებს კი მიეცით 1 სადილის კოვზი ჭამამდე, დილა-საღამოს.
სტაფილოს წვენის კომპრესები უხდება დამწვრობას, ჭრილობებს, ჩირქოვან პროცესებს. აყუჩებს ტკივილს, აქრობს ანთებას, ხელს უწყობს შეხორცებას.
სტაფილოსა და ჭარხლის წვენი, ვიდრე ერთმანეთში აურევდეთ, 2-3 საათით უნდა გააჩეროთ მაცივარში.
სტაფილოსა და კომბოსტოს წვენის ნარევი შესანიშნავი გამწმენდი საშუალებაა. კარგია პირის ღრუში გამოსავლებად ღრძილების ანთებითი დაავადებების დროს. ხელს უწყობს პირის ღრუში ჭრილობებისა და წყლულების შეხორცებას. განსაკუთრებით სასარგებლოა კუჭისა და ნაწლავებისთვის.
სტაფილოსა და ლიმონის წვენის შერევით მიღებული კოქტეილი ხელს უწყობს თმის ზრდას, ამაგრებს ფრჩხილებს.

დაბოლოს, გირჩევთ: მთელი ოჯახით იმეგობრეთ სტაფილოსთან!

თინათინ ქორიძე
ამ ავტორის სხვა სტატიები

ტეგები:

კომენტარები (3)

Tea

Zog videoshi stafilos wvens wyals umateben aseve charxlis wvensac...radgan monelebas ushlis xels wylis damatebis gareshe ..rogor moviqce mirchiet?

თარიღი : 04-06-2017

ნინო

1. ახალგამოწურული წვენის შენახვა შეიძლება არა უმეტეს 30 წუთისა. ამის შემდეგ იგი კარგავს სასარგებლო თვისებებს, ეცვლება ფერი და გემო. 2.სტაფილოსა და ჭარხლის წვენი, ვიდრე ერთმანეთში აურევდეთ, 2-3 საათით უნდა გააჩეროთ მაცივარში. ეს ორი ფრაზა ურთიერთგამომრიცხავი არაა? რომელს ვენდოთ? მეც გამიგია, რომ ჭარხალს უნდა მაცივარი, მაგრამ სტაფილოს შემთხვევაში როგორ მოვიქცეთ?

თარიღი : 05-07-2015


/* (c)AdOcean 2003-2021, Advertline.https:mkurnali.ge.mkurnali zones.________ _____ 2 */
ado.slave('adoceanadvertlinegexcihqsorul', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });