უცხო ენის შესწავლა და ბავშვის ასაკი - მკურნალი.გე

რუბრიკები

ოჯახის მკურნალის ანონსი

დეკემბერი 2019

უცხო ენის შესწავლა და ბავშვის ასაკი

უცხო ენის შესწავლა და ბავშვის ასაკი
“ძალიან მინდა, რომ ჩემს პატარა შვილს ადრეული ასაკიდანვე შევასწავლო ინგლისური ენა, შემდეგ კი - სხვა უცხო ენაც. რამდენად მიზანშეწონილია ეს? რა მეთოდია ამისთვის უფრო ეფექტური?” ელისო, 24 წლის დედა

“ნებისმიერი ასაკის ბავშვს შეიძლება შევასწავლოთ, რაც გნებავთ, მივაწოდოთ სხვადასხვა სახის ცოდნა, თუ ამისთვის გამოყენებული იქნება შესატყვისი მეთოდები!” - ამას ამტკიცებს ამერიკელი პროფესორი ჯ. ბრუნერი.

რაც უფრო ადრე დაიწყებს ბავშვი უცხო მეტყველების მოსმენას, უცხო ენაზე წარმოთქმულ სიტყვებს, მით უფრო სწრაფად გახდება ის მისთვის გასაგები. თუ ბავშვი ცხოვ­რობს ისეთ ოჯახში, სადაც ერთი მშობელი და,
კიდევ უფრო უკეთესი, ორივე მშობელი ერთმანეთს ესაუბრება რამდენიმე ენაზე, კითხვა იმის შესახებ, თუ როგორ უნდა შევასწავლოთ ბავშვს უცხო ენა, აღარ წარმოიშვება. ბავშვი ხომ პირდაპირ ისრუტავს მშობლებისგან თითოეულ სიტყვას! მაგრამ თუ თქვენს ოჯახში არ არიან პოლიგლოტები, მაინც არსებობს უამრავი შესაძლებლობა იმისთვის, რომ პატარას გავუღვივოთ ინტერესი უცხო
ენის მიმართ.

ძალდატანების გარეშე
საუკეთესო ვარიანტია, უცხო ენაში მეცადინეობა დავიწყოთ იმ ბავშვთან, რომელიც უკვე საკმაოდ გამართულად საუბრობს მშობლიურ ენაზე. წინააღმდეგ შემთხვევაში, ბავშვის გონებაში ნამდვილი ქაოსი იქმნება. უპირველესი პირობაა - არავითარ შემთხვევაში არ ჩავატაროთ ბავშვთან მეცადინეობა ძალდატანების მეთოდით ან რაიმე მოლაპარაკებითა და შეთანხმებით. არ არის საჭირო, სხვადასხვა დაპირებით აიძულოთ, გააკეთოს ის, რაც არ სურს და არ აინტერესებს. თუ ბავშვი უარს აცხადებს და თავს შორს იჭერს უცხო ენის შესწავლისგან, უცხო სიტყვების გამეორებისგან, მაშინ ჯობს დავიცადოთ, მივცეთ პატარას გარკვეული დრო და შემდეგ კიდევ ვცადოთ მისი დაინტერესება. შესწავლის მეთოდი უნდა იყოს საინტერესო და არა თავს მოხვეული. უცხო ენის სწავლება საჭიროა დავიწყოთ სასაუბრო მეტყველებით. ბავშვი ადვილად აღიქვამს ასოებს, თუ უკვე იცის სიტყვა. ბუნება თვითონ გვიბიძგებს ასეთი მეთოდებისკენ. მშობლიური ენის შესწავლას ჩვენ ვიწყებთ სასაუბრო მეტყველებით. თავდაპირველად ვისმენთ, ვიმეორებთ, წარმოვთქვამთ და მხოლოდ ამის შემდეგ ვსწავლობთ წერასა და კითხვას. ერთი გაკვეთილის, თითოეული მეცადინეობის ხანგრძლივობის კორექტირება დამოკიდებულია ბავშვის ფსიქოლოგიურ თავისებურებებზე. მეცადინეობა რეკომენდებულია დასაწყისისათვის დღეში 15 წუთი. სწავლება უნდა ჩატარდეს ჩვეულებრივი თამაშის ან ხატვის პროცესში, ძერწვისას, კომპიუტერთან თამაშის დროს. თუ ოჯახში არის უფროსი ბავშვი, რომელიც სწავლობს უცხო ენას სკოლაში ან დამატებით, ცალკე პედაგოგთან, ასეთ შემთხვევაში შესაძლებელია პატარას დაინტერესებაც. უმცროსებს ყოველთვის აქვთ უფროსებისადმი მიბაძვის მოთხოვნილება. ეს შეიძლება მოხერხებულად გამოვიყენოთ. შეეცადეთ როლური თამაშების ორგანიზება: დედაშვილობანა, მაღაზიობანა, ავტობუსით მგზავრობა ან მანქანით გასეირნება, ექიმობანა და ა.შ. ამ თამაშების მსვლელობისას ბავშვი დაიმახსოვრებს ახალ სიტყვებს. ბავშვები ადრეულ ასაკში საერთოდ კარგად იმახსოვრებენ, მაგრამ ასეთივე წარმატებით ივიწყებენ ნასწავლ მასალას, თუ მისი გამეორება არ ხდება. ყოველდღიური გამონათქვამები: “დილა მშვიდობისა”, “ღამე მშვიდობისა”, “გმადლობთ”, “ბოდიში”, სიტყვები: “მომეცი!”, “აიღე!” ფერების აღმნიშვნელი სიტყვები (“წითელი”, “თეთრი”, “შავი” და ა.შ.) უნდა გაიმეოროთ მშობლიური ენიდან ნაცნობ სიტყვებთან მონაცვლეობით. თუ სკოლამდელი ასაკის ბავშვები უცხო ენის შემსწავლელ სპეციალურ განმავითარებელ ცენტრებში მეცადინეობენ, კარგი იქნება, თუ გაკვეთილებს დაესწრებიან მათი მშობლებიც, მათ უნდა აწარმოონ ჩანაწერები. მაშინ ისინი შინ ბავშვებთან ერთად შეძლებენ გაიმეორონ განვლილი მასალა. ასე ბავშვებს შე­ახსენებთ გაკვეთილზე შესწავლ­ილ მასალას და კიდევ უფრო განამტკიცებთ მას.

გამოავლინეთ ინტერესი!
დღეისათვის ბავშვების უმეტესობა ინგლისურს (ან სხვა უცხო ენას) დაწყებითი კლასებიდანვე სწავლობს. ამ პერიოდში მათ ასევე სჭირდებათ მშობლების დახმარება. ეს აუცილებელიც კია. ასე რომ, უნდა დაინტერესდეთ იმით, თუ რას სწავლობს თქვენი შვილი უცხო ენისა გაკვეთილზე. ეს ადვილი ნამდვილად არ არის, მაგრამ უნდა გამოიჩინოთ ყურადღება და მოიკრიბოთ ნებისყოფა. თუ თავიდანვე მიჰყვებით პატარასთან ერთად უცხო ენის დაუფლებას, მას სირთულეები აღარ დაემუქრება. პრობლემების წარმოქმნისთანავე ბავშვებს ინტერესი უქრებათ. ბავშვი, როგორც წესი, დიდ ინტერესს იჩენს უცხო ენის მიმართ, თუ გრძნობს, რომ ეს მას კარგად გამოსდის. ამიტომ აუცილებელია, ის შევაქოთ და წავახალისოთ, ვაგრძნობინოთ თანადგომა, თუ მას რაიმე უძნელდება. ადამიანს, რომელიც ბავშვების აღზრდით არის დაკავებული, დიდი მოთმინება სჭირდება, არავითარ შემთხვევაში არ უნდა მისცეს თავს უფლება, ბავშვს ხმამაღალი ტონით ესაუბროს, პატარამ არ უნდა შეამჩნიოს, რომ უფროსი მას გაღიზიანებული ესაუბრება, მეცადინეობის ეფექტურობა დიდად არის დამოკიდებული თვით ბავშვის განწყობაზე. არ ღირს მეცადინეობის ჩატარება, თუ ბავშვი თავს ცუდად გრძნობს ან ეძინება. რაც უფრო მეტ მოთმინებასა და სიყვარულს, მზრუნველობასა და ყურადღებას გამოვიჩენთ ჩვენი შვილების მიმართ, მით უფრო მეტ წარმატებას მიაღწევენ ისინი ცხოვრებაში.


გააკეთეთ კომენტარი
კომენტარი არ გაკეთებულა
რეკომენდებული პროდუქტები
იმუნური სისტემის ნორმალური ფუნქციისათვის-30აბი
ფასი: 23.9
სიცოცხლისთვის აუცილებელი ვიტამინები
ფასი: 27.9
ანთების დროს ტკივილის შესამცირებლად-30აბი
ფასი: 43.9
დიეტოლოგია
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
წარმოდგენილ ვიდეოში განვიხილავთ დამატებით კვების შეტანის სქემას 6-დან 12 თვემდე ასაკის ბავშვებში,
კანადელი მეცნიერების განცხადებით, რძის მოყვარული ბავშვები თანატოლებთან შედარებით ბევრად მაღლები არიან. გარდა ამისა, მათ უფრო მეტად ჯანსაღი თმა და ფრჩხილები აქვთ.
ბავშვის ორგანიზმის ნორმალური ფუნქციონირებისა და ჯანსაღად განვითარების მთავარი წინაპირობა კვების სწორად შერჩევაა. ეს პროცესი საკმაოდ კომპლექსურია და დიდ დაკვირვებას მოითხოვს, განსაკუთრებით იმ პირობებში, როდესაც ბაზარი ზედმეტად გაჯერებულია საინტერესო რეკლამებითა და მიმზიდველი შეფუთვების მქონე უამრავი პროდუქციით.
ხილის წვენი ასეთი პატარებისთვის სასარგებლო არაა. უფრო მეტიც, ამის გამო ბავშვმა შეიძლება წონაში ზედმეტად
სკოლა მთლიანად ჯანსაღი ცხოვრების წესთან უნდა ასოცირდებოდეს, მათ შორის კვების ნაწილშიც – ამის შესახებ განათლების მინისტრმა ალექსანდრე ჯეჯელავამ განაცხადა.
კერძის მომზადების ბოლო აკორდი გემრიელი სოუსია. ის განსაკუთრებით პიკანტურს ხდის კერძს. საბავშვო კულინარიაში კი სოუსი დაგეხმარებათ გაალამაზოთ და გაამრავალფეროვნოთ ბავშვის, განსაკუთრებით უჭმელი პატარის მენიუ. რა სახის სოუსების მომზადება შეგვიძლია ბავშვისთვის - ამ საკითხზე გვესაუბრება პედიატრი მარინა აფციაური.

ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად