მეტყველების შეფერხება თუ არასწორი აღზრდა? - მკურნალი.გე

რუბრიკები

ოჯახის მკურნალის ანონსი

იანვარი 2021

კითხვა-პასუხი

მეტყველების შეფერხება თუ არასწორი აღზრდა?

მეტყველების შეფერხება თუ არასწორი აღზრდა?

ჩემი შვილი უკვე 3 წლისაა, მაგრამ მხოლოდ თითო-ოროლა სიტყვას ამბობს, წინადადებებს თითქმის არ წარმოთქვამს. მისი თანატოლები კი უკვე გამართულად ლაპარაკობენ. რისი ბრალია ეს და ვის მივმართო?


ბავშვის დაბადებას დიდ სიხარულთან ერთად დიდი საზრუნავიც მოაქვს. გამოუცდელ მშობლებს ხომ ყოველი წვრილმანი აშფოთებთ... რა თქმა უნდა, ყველაფერი ნერვიულობად არ ღირს, მაგრამ თუ წამოჩიტულ ბავშვს ჯერ კიდევ არ ამოუდგამს ენა ან ლაპარაკობს, მაგრამ სწორად ვერ გამოთქვამს ცალკეულ სიტყვებს, ყურადღებაა საჭირო. ენის ამოდგმას ბევრი რამ უშლის ხელს. ერთ-ერთი მიზეზი ის არის, რომ ბავშვს ლაპარაკი არ სურს.

თუ რაიმე დასჭირდა, ხელით მიუთითებს და მშობელიც დაუყოვნებლივ აწვდის სასურველ ნივთს. ასე რომ, ბავშვს სულაც არ სჭირდება სიტყვები და ფრაზები - მისი ისედაც კარგად ესმით. მეტყველების შეფერხების კიდევ ერთი მიზეზია არახელსაყრელი ფაქტორების ზემოქმედება მუცლადყოფნის პერიოდში, დაბადებისას ან სიცოცხლის პირველ წელს. ეს ფაქტორებია ტრავმები, დედის მიერ

ორსულობისას მიღებული მედიკამენტები, ინფექციები, მეტისმეტად სწრაფი ან, პირიქით, გახანგრძლივებული მშობიარობა, მემკვიდრეობითი დაავადებები. მათი გავლენით ფსიქომოტორული განვითარება შესაძლოა შეფერხდეს. თუ პატარამ თავის დაჭერა, ჯდომა, დგომა, პირველი ბგერების წარმოთქმა, სიარული თანატოლებთან შედარებით გვიან დაიწყო, სავარაუდოდ, მეტყველების განვითარებაც შეფერხებული ექნება. ამ შემთხვევაში აუცილებელია, პატარას ჩაუტარდეს სრული სამედიცინო შემოწმება. შემოწმების შედეგებიდან გამომდინარე, პედიატრი და ბავშვთა ფსიქოლოგი მას შეუდგენენ მკურნალობის პროგრამას, რომელიც ფსიქიკურ და მეტყველების პრობლემებს აღმოფხვრის. ენის ამოდგმას ხშირად აგვიანებენ ბავშვები, რომლებიც ორენოვან ოჯახში იზრდებიან ან ძიძა ჰყავთ სხვა ენაზე მოლაპარაკე, თუმცა არიან გამონაკლისებიც, რომლებიც ერთდროულად იწყებენ ლაპარაკს რამდენიმე ენაზე. კიდევ ერთი: მშობლებო, კარგად გამოიკითხეთ, თქვენც გვიან ხომ არ ამოიდგით ენა - ამაში მემკვიდრეობაც ასრულებს განსაზღვრულ როლს. როდის მივმართოთ სპეციალისტს, როდის არის საჭირო მისი ჩარევა, რას უნდა მიაქციონ ყურადღება მშობლებმა, რომ სერიოზული პრობლემა არ გამოეპაროთ?


ერთ წლამდე:

  • თუ პატარას აქვს მეტყველების ორგანოთა თანდაყოლილი პათოლოგია - ე.წ. "მგლის ხახა" და "კურდღლის ტუჩი" - გაყოფილი ტუჩი და სასა;
  • დარღვეულია კუნთოვანი ტონუსი - კუნთები დაჭიმული ან, პირიქით, მოდუნებულია.


ერთიდან ორ წლამდე:

  • ბავშვი ვერ წარმოთქვამს ვერც ერთ აზრიან სიტყვას;
  • არ ესმის თქვენი არც ერთი თხოვნა, არ რეაგირებს საკუთარ სახელზე;
  • თქვენთან ურთიერთობისას არ იყენებს მიმიკასა და ჟესტებს;
  • ცუდად ესმის თქვენი ლაპარაკი, თუ ტუჩების მოძრაობას არ უყურებს;
  • მისი მეტყველება ღმუილს წააგავს;


ორიდან სამ წლამდე:

  • ბავშვი ლაპარაკობს გაურკვეველ, "საკუთარ" ენაზე, რომელიც მშობლებსაც კი არ ესმით;
  • ლაპარაკის დროს აკეთებს ხანგრძლივ პაუზებს, რამდენიმეჯერ იმეორებს ერთსა და იმავე სიტყვას, - აუცილებლად უნდა მიმართოთ ლოგოპედს.

გარდა მკურნალობის სპეციალური კურსისა, მშობლებსაც შეუძლიათ, დაეხმარონ ბავშვს მეტყველების განვითარებაში, თუ მარტივ რჩევებს შეასრულებენ.


რჩევები მშობლებს
დაუთმეთ ახალშობილს რაც შეიძლება მეტი დრო. დედასა და ახალშობილს შორის არსებული ემოციური კონტაქტი ბავშვის წარმატებული განვითარების საწინდარია. რაც უფრო ხშირად, მეტხანს, ალერსიანად ესაუბრება დედა პატარას, მით უფრო უკეთ განვითარდება იგი.

  • ესაუბრეთ პატარას ნელა და გარკვევით. ასე იგი უკეთ "გადაამუშავებს" მიღებულ ინფორმაციას.
  • საუბრისას არ დაგავიწყდეთ აღნიშვნა, რა მოხდა იმწუთას: ჩიტმა გაიფრინა, მანქანამ გაიარა...
  • უჩვენეთ ის, რაზეც ესაუბრებით. მაგალითად, მადლობა - და თავი დაუკარით; ნახვამდის - ხელი დაუქნიეთ; მომეცი - ხელი გაუწოდეთ და ა.შ. დაე, ბავშვი სიტყვიერთან ერთად ჟესტებით ურთიერთობასაც შეეჩვიოს.

თუ პატარა მხოლოდ ჟესტებით ურთიერთობს თქვენთან, თავი ისე დაიჭირეთ, თითქოს არ გესმით მისი. აიძულეთ, მოიშველიოს სიტყვებიც და ისე გაგაგებინოთ. წინააღმდეგ შემთხვევაში მისი "სიმუნჯე" დიდხანს გაგრძელდება. 6 თვიდან უკითხეთ ლამაზად დასურათებული, ფერადი ილუსტრირებული ზღაპრები. უმღერეთ საბავშვო სიმღერები, ძილის წინ - "იავნანა", წაუკითხეთ საბავშვო ლექსები, კარგი იქნება, თუ სიმღერის დროს თვითონაც აგყვებათ. ერთად დადექით სარკის წინ და შეასრულეთ მარტივი მოძრაობები: გაბერეთ ლოყები, ენით გაილოკეთ ტუჩები, გამოყავით ენა, გაუღიმეთ ერთმანეთს. ეს ავითარებს სახის მიმიკურ კუნთებს, ხელს უწყობს მეტყველების განვითარებას, სიტყვების სწორად წარმოთქმას. ესაუბრეთ მარტივი, იოლად გასაგები სიტყვებით, ერიდეთ მაღალფარდოვან ფრაზებს. ნუ ესაუბრებით ენის მოჩლექით! უნდა იცოდეს, რომ ეს პურია და არა "პული", ეს ხორცია და არა "ჩიჩია" და ა.შ. მიაჩვიეთ პატარა დამოუკიდებლობას, აქტიურობას, ზედმეტი ლოლიავი და კალთის დაფარება მის განვითარებას აფერხებს!

 

 

გააკეთეთ კომენტარი
კომენტარი არ გაკეთებულა
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
ოქსიტოცინი - ერთერთი უმნიშვნელოვანესი ჰორმონია, რომელიც უზრუნველყოფს დედასა და ჩვილს შორის კავშირს.
ბავშვის ოთახი ის ადგილია, რომელსაც ყველა ბინაში განსაკუთრებული ყურადღება ეთმობა. მშობლებს სურთ, რომ ის იყოს ფუნქციური, მოდური და ცოტათი ჯადოსნურიც.
მართალია თუ არა, რომ უნარ-ჩვევები, რომელთა განვითარებასაც ჩვილობიდანვე შევუწყობთ ხელს, შემდგომ გეომეტრიული პროგრესიით განვითარდება?
ფსიქოლოგიის პროფესორი ტანი ბირონი აღნიშნავს, რომ 1970 წლიდან დღემდე, ბავშვთა აქტივობის რადიუსი
დაბადებისთანავე პატარა სრულიად უცნობ სამყაროში ხვდება. ის პირველი წუთებიდანვე ცდილობს შეეგუოს ახალ პირობებს და გაიგოს,
ამბობენ, რომ პირველი ზღაპრები ძალიან მნიშვნელოვანია – ისინი დედა-შვილს ადაპტაციაში ეხმარება. რას ნიშნავს ეს?
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად