იოგა ამცირებს კიბოსთან დაკავშირებულ დაღლილობასა და ანთებას
მათ შორის დაღლილობას და ხანგრძლივ ანთებით პროცესებს.
ახალი კვლევა ვარაუდობს, რომ იოგა ხელს უწყობს დაღლილობისა და ანთების შემცირებას.
ხანდაზმულებში, კიბოს დიაგნოზის დროს, უმოძრაო ცხოვრების წესმა შეიძლება გაზარდოს სიკვდილიანობის რისკი.
მას შემდეგ, რაც პაციენტი გაივლის კიბოს მკურნალობას, ის ზოგჯერ მაინც განიცდის ჯანმრთელობის გარკვეულ პრობლემებს. ეს შეიძლება მოიცავდეს დაღლილობას, გარკვეული ტიპის შემეცნებით პრობლემებს, გულ-სისხლძარღვთა დაავადების რისკს, დეპრესიას. ასევე ხშირია გრძელვადიანი ანთება, ხოლო ანთება დაკავშირებულია კიბოს რეციდივის გაზრდილ რისკთან.
როჩესტერის უნივერსიტეტის სამედიცინო ცენტრის კვლევამ, რომელიც ახლახან წარმოდგენილი იყო ამერიკული კლინიკური ონკოლოგიის საზოგადოების (ASCO) 2023 წლის ყოველწლიურ შეხვედრაზე, აჩვენებს, რომ იოგა ეხმარება დაღლილობისა და ანთების შემცირებას და აუმჯობესებს ცხოვრების ხარისხს კიბოსაგან განკურნებულ პირებში.
იოგას ჯანმრთელობის სარგებელი
იოგა არის ფიზიკური პრაქტიკა. იგი მოიცავს მრავალფეროვან ფიზიკურ პოზებს, სუნთქვის ვარჯიშებს და მედიტაციას, მარტივიდან უფრო რთულამდე. ასევე არსებობს სხვადასხვა ტიპის იოგას არჩევანი. არ აქვს მნიშვნელობა რა ტიპის იოგას აირჩევთ, კვლევა აჩვენებს, რომ მას შეუძლია მრავალი სარგებლის მოტანა. მათ შორისაა:
- მაღალი არტერიული წნევის შემცირება;
- სტრესის შემცირება;
- შფოთვისა და დეპრესიის შემსუბუქება;
- ბალანსისა და კოორდინაციის გაუმჯობესება;
- სახსრების ტკივილის შემსუბუქება;
- ძილის გაუმჯობესება
იოგა ეფექტურია, როგორც კიბოს სიმპტომების მენეჯმენტისთვის, ისე კიბოს მკურნალობასთან დაკავშირებული ტოქსიკური ეფექტების მართვისთვის.
როგორ შეუძლია იოგას დაეხმაროს კიბოსაგან განკურნებულ პირებს
იოგას ცნობიერების კომპონენტები, ინტეგრირებულია ფიზიკურ ვარჯიშთან და მოძრაობასთან, რომელიც იოგას ნაწილია, ისევე როგორც ფოკუსირებული სუნთქვა.
იოგას სარგებელი გაიზარდა მრავალი თვალსაზრისით ბევრი ადამიანისთვის, განსაკუთრებით ჯანმრთელობის ქრონიკული პრობლემების მქონე ადამიანებისთვის.
იოგა აუმჯობესებს დაღლილობას და ანთებას. ანალიზის შედეგად, მკვლევარებმა დაადგინეს, რომ იოგას ჯგუფში მყოფ მონაწილეებში მნიშვნელოვნად შემცირდა როგორც დაღლილობა, ასევე მათი ცხოვრების ხარისხის ემოციური კომპონენტი პლაცებოს ჯგუფთან შედარებით.
იოგას მონაწილეებმა ასევე განაცხადეს, რომ შენიშნეს გაუმჯობესება მათი ცხოვრების ხარისხის ფიზიკურ და ფუნქციურ კომპონენტებში, პლაცებოს ჯგუფისგან განსხვავებით.
იოგასთან დაკავშირებულ სხვა კვლევაში, გაზომეს იოგას გავლენა ანთებით პროცესებზე უკვე განკურნებულ პაციენტებში. ამ კვლევაში ჩაერთო 502 ადამიანი, რომელთა საშუალო ასაკი 56 წელი იყო - მონაწილეები ასრულებდნენ 75-წუთიან მსუბუქ იოგას სესიებს კვირაში ორჯერ, ოთხი კვირის განმავლობაში.
კვლევის დასასრულს, მეცნიერებმა აღმოაჩინეს, რომ იოგას მონაწილეებს ჰქონდათ ანთების საწინააღმდეგო მარკერების მნიშვნელოვნად დაბალი დონე პლაცებოს ჯგუფთან შედარებით. გარდა ამისა, მათ, ვინც იოგას ვარჯიშობდა, ჰქონდათ ტენდენცია ანთების საწინააღმდეგო მარკერების შემცირებისაკენ, პლაცებოს მონაწილეებთან შედარებით.
ფიზიკური აქტივობა გავლენას ახდენს კიბოს სიხშირეზე, პროგრესირებაზე, მეტასტაზებზე და საერთო გადარჩენის მაჩვენებელზე.
ვარჯიში ზრდის იმუნური უჯრედების გამომუშავებას, როგორიცაა სიმსივნის დამთრგუნველი უჯრედები და ახდენს სიმსივნის პრომოტორების ინაქტივაციას, რაც ქმნის არახელსაყრელ მიკროგარემოს კიბოს პროგრესირებისთვის. ფიზიკური აქტივობა ასევე იწვევს სისხლძარღვების სტრუქტურისა და ფუნქციის გაუმჯობესებას, რაც იძლევა სიმსივნის საწინააღმდეგო აგენტების უფრო მეტი მიწოდების საშუალებას, როგორიცაა ბუნებრივი მკვლელი უჯრედები და ხდება T უჯრედების ინფილტრაცია.
ფიზიკური აქტივობის მნიშვნელობა
იოგა ეხმარება ადამიანის გონება-სხეულის კავშირს. განკურნება ხდება როგორც ფიზიკურად, ასევე გონებრივად.
ეს უმარტივესი ინტერვენციაა, რომლის გაკეთებაც ნებისმიერს შეუძლია და ის ყველასთვის ხელმისაწვდომია.
მათ, ვისაც სურთ გახდნენ უფრო აქტიურები, ვარჯიშებს(მაგალითად ფეხით სიარული) შეუძლია გაზარდოს კუნთოვანი ძალა, გააუმჯობესოს იმუნური პასუხი, ძილი და კოგნიტური ფუნქცია, რაც იწვევს ადამიანის სიცოცხლისა და ჯანმრთელობის ხარისხის გაუმჯობესებას.