რამდენი ხანი სჭირდება მსხვილი ნაწლავის პოლიპების კიბოდ გადაქცევას?
შესაბამისად, იგი იძლევა ადრეული გამოვლენისა და მკურნალობის შესაძლებლობას.
რამდენი დრო სჭირდება მსხვილი ნაწლავის პოლიპიდან კობოს წარმოქმნას
როდესაც საქმე ეხება პოლიპიდან კოლორექტალური კიბოს ფორმირებას, დრო თქვენს მხარესაა. პროცესს, სავარაუდოდ, 10 წელი სჭირდება - პერიოდი, რომელიც უამრავ შესაძლებლობას ტოვებს ადრეული აღმოჩენისა და მკურნალობისთვის.
როგორ წარმოიქმნება მსხვილი ნაწლავის პოლიპი
მსხვილი ნაწლავის პოლიპი იწყება გენის მუტაციით მსხვილი ნაწლავის ღეროვან უჯრედში. ეს უჯრედები მუდმივად იყოფა და ყოველი გაყოფით მუტაციები მრავლდება.
მსხვილი ნაწლავის უჯრედები არა მხოლოდ ბევრჯერ იყოფიან, არამედ ძალიან იზრდებიან. კვირაში ერთხელ გაყოფით მსხვილი ნაწლავის მთელ გარსს ცვლიან. როდესაც მუტაციების მქონე უჯრედები გროვდება მსხვილი ნაწლავის გარსზე, მათ შეუძლიათ შექმნან პატარა კლასტერი, რომელიც გამოჩნდება პოლიპის სახით. პოლიპი შეიძლება გაიზარდოს, რადგან მუტაციური უჯრედები უფრო სწრაფად იწყებენ ზრდას და ხანგრძლივად ცოცხლობენ. საბოლოოდ, ამ მთელი ამ აქტივობისას, შესაძლებელია, რომ მუტაციამ სიმსივნური სახე მიიღოს.
საბედნიეროდ, ეს ნელი პროცესია და გაძლევთ შანსს, იყოთ კოლორექტალურ კიბოზე ერთი ნაბიჯით წინ. ეს გვაბრუნებს ადრეული გამოვლენის მნიშვნელობაზე.
კოლონოსკოპიის ან სხვა ტიპის სკრინინგის ჩატარება დაგეხმარებათ იპოვოთ და უმკურნალოთ პოლიპებს, სანამ ისინი ჯერ კიდევ კეთილთვისებიანი ან კიბოსწინარე სტადიაში არიან. ამით თქვენ თავიდან აიცილებთ პოტენციურ პრობლემებს.
ასე რომ, გამოიყენეთ დრო, რომელიც თქვენს სასარგებლოდ არის მოცემული. მსხვილი ნაწლავის სკრინინგი რეკომენდებულია 45 წლის ასაკიდან ან უფრო ადრე, რისკ - ფაქტორების მიხედვით. ესაუბრეთ თქვენს ექიმს ტესტირების შესახებ.