მარიამ ფოლადაშვილი

უნდა შევწყვიტოთ თუ არა შაქრის მოხმარება?

ზოგიერთი კვლევა, ამყარებს მოსაზრებას, რომ კიბოს უჯრედები მოიხმარენ უფრო მეტ შაქარს, ვიდრე ნორმალური უჯრედები, მაგრამ არ არსებობს დამაჯერებელი მტკიცებულება, რომელიც დაადასტურებს, რომ შაქრის მიღებისას კიბოს უჯრედები უფრო სწრაფად გაიზრდებიან ან გავრცელდებიან, ან რომ შაქრის მოხმარების შეწყვეტა ხელს შეუშლის ამ პროცესებს.

თუმცა, ეს არ ნიშნავს, რომ შაქრის შემცველი დიეტა თქვენთვის ჯანსაღია. შაქრის დიდი დოზით მიღება დაკავშირებულია წონის მატებასთან, სიმსუქნესთან და დიაბეტთან, რაც კიბოს განვითარების რისკის ფაქტორებია.

ჩვენი სხეულის ყველა უჯრედს სჭირდება შაქარი (გლუკოზა) ენერგიისთვის. ორგანიზმს აქვს რამდენიმე სარეზერვო სტრატეგია სისხლში შაქრის ნორმალური დონის შესანარჩუნებლად. ნახშირწყლების გარეშეც კი, ორგანიზმი შაქარს სხვა წყაროებიდან გამოიმუშავებს, მათ შორის ცილებისა და ცხიმებისგან.

კიბოს მკურნალობისა და გამოჯანმრთელების დროს ორგანიზმს ენერგია სჭირდება. თუ თქვენ მთლიანად ზღუდავთ შაქარს იმ ვარაუდით, რომ თქვენ ამით ხელს უწყობს ჯანმრთელობას, შეიძლება, ფაქტობრივად, ართმევდეთ თავს ენერგიის წყაროს, რომელიც გჭირდებათ კიბოსთან საბრძოლველად.

კიბოს თერაპიის დროს ძირითადი კვების მიზნები მოიცავს: საკმარისი სითხეების (ჰიდრატაციის შესანარჩუნებლად), ჯანსაღი პროდუქტებიდან კალორიების(ენერგიის შესანარჩუნებლად) და პროტეინების მიღებას.

ყველა პაციენტი განსხვავებულია. ის, რაც ზოგისთვის ეფექტურად მუშაობს, შეიძლება სხვებისთვის არ იმუშაოს.

თუმცა, საერთო ჯამში, კვების მთავარ მიზანს წარმოადგენს კალორიების მიწოდება ნუტრიენტებით მდიდარი, ჯანსაღი საკვებით(მათ შორის, უმჯობესია, შაქრის ჯანსაღი წყაროებიდან მიღება).

თუ თქვენ გაწუხებთ გვერდითი მოვლენები მკურნალობისას, როგორიცაა დაღლილობა და საჭმლის მომნელებელი პრობლემები, სასარგებლო იქნება ისეთი საკვების დამატება, რომლებიც ადვილად მოსანელებელია.

ჯანსაღი საკვებია:

ახალი ხილი - საუკეთესო არჩევანია ხილი, რომელიც არის ადვილად მოსანელები და მაღალი წყლის შემცველობა აქვს. პოპულარულია ნესვი, კენკრა, ანანასი, ბანანი.

იოგურტი - აუმჯობესებს მონელებას. აირჩიეთ ნაკლებშაქრიანი ვარიანტი.

მარცვლეული - თქვენი საუკეთესო არჩევანია ყავისფერ ბრინჯი, ხორბალი, გრანოლა (სიმინდის სიროფის ან ჰიდროგენირებული ზეთის გარეშე).

არაქისის კარაქი - მოძებნეთ 100 პროცენტიანი არაქისის კარაქი, რომელიც დამზადებულია ზეთების გარეშე.

მიირთვით მთლიანი მარცვლეულის პური - დარწმუნდით, რომ შეფუთვაზე წერია „100 პროცენტი მთლიანი მარცვლეული“. მთლიანი მარცვლეული ხელს უწყობს საჭმლის მომნელებელი სისტემის ჯანმრთელობას.

ხორცი - მოძებნეთ მთლიანი, დაუმუშავებელი ხორცი ნიტრატების გარეშე.( არ არის რეკომენდებული ხორცის შემწვარი ფორმით მიღება, ასევე ნუ მიირთმევთ ხორცს კვირაში 2 დღეზე მეტად).

კვერცხი - მიირთვით თერმულად დამუშავებული კვერცხი. უმი კვერცხი სახიფათოა.

საკვების უსაფრთხოების რჩევები:

საკვების უსაფრთხოდ მომზადება ძალიან მნიშვნელოვანი ნაწილია.

მოხარშეთ ხორცი, თევზი და კვერცხი სათანადო ტემპერატურაზე.

გარეცხეთ ხილი და ბოსტნეული.

დაიცავით ხელების, ნიჟარის, ზედაპირების,საჭრელი დაფების სისუფთავე.