პრობიოტიკულმა ბაქტერიებმა შესაძლოა პოზიტიური გავლენა იქონიოს იმუნოთერაპიის შედეგებზე მელანომის მქონე პაციენტებში
მაგრამ ჯერ კიდევ ზუსტად დადგენილი არ არის, თუ როგორ ცვლის ნაწლავის ბაქტერიები იმუნოთერაპიაზე ორგანიზმის პასუხს.
თაგვებში ჩატარებულმა კვლევებმა აჩვენა, რომ სასარგებლო ბაქტერიები ამოიცნობენ სიმსივნურ უჯრედებს და ხელს უწყობენ სიმსივნის წინააღმდეგ იმუნიტეტის გამომუშავებას. ისინი ათავისუფლებენ ინდოლ-3-ალდეჰიდს, რითიც ხელს უწყობენ იმუნოთერაპიის პროცესის გაუმჯობესებას.
მათ, ასევე დაადგინეს, რომ მელანომის მქონე პაციენტებს, რომლებიც გადიოდნენ იმუნოთერაპიას, უფრო მაღალი ინდოლ-3-ალდეჰიდის დონე ჰქონდათ.
იმუნოთერაპია კიბოს მკურნალობის ძლიერი სტრატეგიაა. მისი მუშაობის მექანიზმი ადამიანის საკუთარი იმუნური სისტემის გამოყენებას ეფუძნება. თუმცა, ზოგიერთ პაციენტში სიმსივნეები მცირდება ან ქრება, ხოლო სხვა ადამიანები არ რეაგირებენ იმუნოთერაპიაზე. მეცნიერები ცდილობენ დაადგინონ, თუ რატომ აქვთ სხვადასხვა ადამიანს განსხვავებული რეაქცია სიმსივნის მკურნალობის ამ ფორმაზე.
ნაწლავის მიკრობიომი და იმუნოთერაპია
ერთ - ერთი ფაქტორი, რომელიც შეიძლება პასუხისმგებელი იყოს იმუნოთერაპიისას ორგანიზმის რეაქციაზე არის ნაწლავის მიკრობიომი ან ნაწლავში არსებული სასარგებლო ბაქტერიების სიმრავლე. მეცნიერებს მიაჩნიათ, რომ მათ შეიძლება დიდი როლი შეასრულონ კიბოს წინააღმდეგ იმუნურ რეაქციაში.
მკვლევარებმა დაადგინეს, რომ ნაწლავის ზოგიერთ ბაქტერიას შეუძლია შეცვალოს იმუნური უჯრედების აქტივობა, ზოგიერთ მათაგნს კი შეუძლია შეცვალოს გარკვეული წამლების ეფექტურობა ან შეამციროს ტოქსიკურობა.
მკვლევარებმა გამოცადეს ოთხი სახის სასარგებლო ბაქტერიები მელანომით დაავადებულ თაგვებზე. ეს ბაქტერიები იყო: Bifidobacterium longum, Lactobacillus reuteri, Lactobacillus johnsonii.
ექსპერტებმა ეს ბაქტერიები აირჩიეს, რადგან ისინი ხშირად გამოიყენება, როგორც პრობიოტიკები და დიდი რაოდენობით გვხვდება მელანომით დაავადებული იმ პაციენტების ნაწლავის მიკრობიომში, რომლებიც კარგად რეაგირებენ იმუნოთერაპიულ მკურნალობაზე.
მკვლევარებმა დაადგინეს, რომ თაგვებში შემცირდა მელანომის ზრდა და გადარჩენის მაჩვენებლები გაიზარდა.თუმცა Lactobacillus jonhnsonii-ს არ ჰქონდა იგივე ეფექტი, L. reuteri კი იყო ყველაზე ეფექტური სიმსივნის დათრგუნვაში.
მკვლევარებმა დაადგინეს, რომ L. reuteri-სშეუძლია მიღწევა სიმსივნურ უჯრედებამდე სადაც, ის მეტაბოლიზებს და და ტრიფტოფანს (აუცილებელ ამინომჟავას, რომელიც გვხვდება ცილაში) გარდაქმნის ინდოლ-3-ალდეჰიდად.ინდოლ-3ალდეჰიდი ააქტიურებს ნახშირწყალბადების რეცეპტორს CD8 T უჯრედებში, რაც ხელს უწყობს ინტერფერონ-გამას წარმოებას.გამა-ინტერფერონი კლავს სიმსივნურ უჯრედებს, რაც, შესაბამისად, აუმჯობესებს იმუნოთერაპიის ეფექტურობას.
ამის შემდეგ მკვლევარებმა შეისწავლეს თაგვის მოდელის კლინიკური მნიშვნელობა მელანომის მქონე პაციენტთა ჯგუფში. აღმოაჩინეს, რომ მელანომის მქონე პაციენტებში შეინიშნებოდა ინდოლ-3 ალდეჰიდის დონის მომატება. მკურნალობის დაწყებამდე ინდოლ-3 ალდეჰიდის უფრო მაღალი დონე კი ასოცირდება გადარჩენის გაზრდილ შანსთან.
ნაწლავის მიკრობიომს დიდი როლი აქვს ძლიერი იმუნური სისტემის ჩამოყალიბებაში. ნაწლავის მიკროფლორა უმჯობესდება პრობიოტიკების მიღებით, რომლებიც გვხვდება იოგურტში (ან სხვა ფერმენტირებულ საკვებში) და დიეტური დანამატებით.