კუჭის კიბოს მანიშნებელი სიმპტომები
სიმსივნის საწყისი ეტაპისთვის დამახასიათებელია:
- ადვილად დაღლა;
- ზოგადი სისუსტე;
- გულისრევა
კუჭის კიბოს სხვა სიმპტომებია:
- ანემია;
- მადისა და წონის მოულოდნელი კლება;
- ხორციანი საკვებისადმი ზიზღი;
- სწრაფად დანაყრება და სიმაძღრის შეგრძნება მცირე რაოდენობით საკვების მიღების შემთხვევაში;
- საჭმლის მომნელებელი ტრაქტის დარღვევა, რაც გამოხატულია ყაბზობით ან დიარეით
აღნიშნული სიმპტომები მხოლოდ კუჭის კიბოსთვის დამახასიათებელი არ არის და მიზეზი შესაძლოა სხვა ნაკლებად მძიმე პრობლემა იყოს(საჭმლის მომნელებელი სისტემის მომატებული მგრძნობელობა გარკვეული ტიპის საკვებზე), ამიტომ ზუსტი მიზეზის დასადგენად აუცილებელია გასტროენტეროლოგთან კონსულტაცია.
კუჭის კიბოს გაჩენას ხელს უწყობს:
- თამბაქოს მოხმარება;
- ჭარბწონიანობა;
- კუჭის წყლულოვანი დაავადებების გამო ქირურგიული ჩარევა;
- არაჯანსაღი კვება - დაავადების გაჩენას ხელს უწყობს ნახევარფაბრიკატებისა და არაჯანსაღი საკვების ხშირი მიღება. შებოლილი, დამარილებული საკვების(თევზი), შაშხის მოხმარება;
- ასაკი - ასაკის მატებასთან ერთად იზრდება დაავადების განვითარების რისკი;
- გენეტიკური ფაქტორი
დაავადების განვითარების რისკების შესამცირებლად აუცილებელია ჯანმრთელი კვების რეჟიმზე გადასვლა. უმჯობესია რაციონში შედიოდეს ბოსტნეული, ხილი. სასურველია ნაკლები რაოდენობით იყოს ხორცი, განსაკუთრებით კი გადამუშავებული ხორცი. არაჯანსაღი საკვების შემცირება არამხოლოდ სიმსივნის განვითარებისგან დაგიცავთ, არამედ საჭმლის მომნელებელი სისტემის სხვა პრობლემებს და შემაწუხებელ სიმპტომებსაც აგარიდებთ თავიდან.