ლალი ჩხიკვაძე

გლიობლასტომა თავის ტვინის კიბოს ყველაზე აგრესიული და სასიკვდილო სახეობაა. პაციენტს კიბოს დიაგნოზი დაუსვეს 2018 წლის მაისში. მას შემდეგ მამაკაცმა გადაიტანა სიმსივნის ამოკვეთის ოპერაცია, ჩაიტარა ქიმიოთერაპიის, სხივური თერაპიისა და ექსპერიმენტული გენური თერაპიის კურსები. მაგრამ მიუხედავად ყველაფრისა, 2019 წლის აგვისტოში აღინიშნა დაავადების რეციდივი.

მოწყობილობა წარმოადგენს ჩაფხუტს, რომელზედაც დამაგრებულია გარკვეული სიხშირითა და გარკვეული დროის რეჟიმით მბრუნავი სამი ელექტრომაგნიტი, რომლებიც ახდენენ ცვლადი მაგნიტური ველის გენერირებას.

პაციენტი მეუღლის დახმარებით გადიოდა თერაპიას სახლში. მეუღლეს ასწავლეს მოწყობილობის მართვა. თავდაპირველად, მამაკაცი მუზარადში იმყოფებოდა დღეში ორი საათი, შემდეგ ყოველდღიური თერაპია გახანგრძლივდა დღეში 6 საათამდე. პაციენტმა კარგად გადაიტანა მკურნალობა და ახლობლების თქმით, ძალიან მალე აღინიშნა მეტყველებისა და კოგნიტიური ფუნქციების გაუმჯობესება.

თერაპია გაგრძელდა თვეზე ცოტა მეტ ხანს და ნაადრევად გახდა საჭირო მისი შეწყვეტა პაციენტის გარდაცვალების გამო. ის დაეცა და მიიღო თავის ტრავმა. გაკვეთამ აჩვენა, რომ ამ მოკლე ვადაშიდაც კი სიმსივნის მოცულობა 31%-ით შემცირდა.

აღნიშნული მეთოდის ავტორები ასეთ შედეგებს იმედისმომცემს უწოდებენ. "ჩვენს მიერ მიღებული შედეგები თავის ტვინის კიბოს არაინვაზიური და არატოქსიკური თერაპიის ახალ სამყაროს ხსნის"-განაცხადა მეთოდის ერთერთმა ავტორმა დევიდ ბასკინმა (David S. Baskin).