"მკურნალის" მთავარი რედაქტორის - თამარ მამაცაშვილის - წერილი საიტის მომხმარებლებს - მკურნალი.გე
რუბრიკები
ოჯახის მკურნალის ანონსი
დეკემბერი 2018
კითხვა-პასუხი
"მკურნალის" მთავარი რედაქტორის  - თამარ მამაცაშვილის - წერილი საიტის მომხმარებლებს
"მკურნალის" მთავარი რედაქტორის - თამარ მამაცაშვილის - წერილი საიტის მომხმარებლებს
ექიმის ჩვევაა ასეთი: როცა ვინმე თავის სატკივარს შემოგჩივლებს და რჩევას მისცემ, მერე სულ მასზე გეფიქრება, გინდა მოიკითხო, ბოლომდე დარწმუნდე რომ გამოკეთდა, რომ პრობლემა, რომლის გამოც მოგმართა, აღარ აქვს.

მკურნალის საიტზე ყოველდღიურად ასობით კითხვაზე გვიწევს პასუხის გაცემა და მინდა იცოდეთ, რომ თითოეული კითხვის ავტორი ჩვენში იგივე განცდებს აღძრავს. რამდენჯერ მოსვენება დაგვიკარგავს, ნეტავ ის ადამიანი როგორ არის, ეს კითხვა რომ მოგვწერაო. რამდენჯერ გულსა და გონებაში გაგვიტარებია თითოეული თქვენგანის სატკივარი. ზოგჯერ რამდენიმე საათი ვუტრიალებ ხოლმე ერთ კითხვას, რომ ზუსტად ის გირჩიოთ, რაც იმ წუთას
თქვენთვის ყველაზე მნიშვნელოვანი და საჭიროა.

ნუ გეგონებათ, რომ ჩვენ მხოლოდ მოვალეობას ვიხდით, როცა კითხვებზე გპასუხობთ. საიტზე ფუნქციონირებს მთვლელი, რომელიც გვიჩვენებს, რომ ამ დროისათვის 146 000-მდე კითხვაა პასუხგაცემული (კითხვების საკმაოდ დიდი ნაწილი კი ერთ-ერთი განახლებისას წაიშალა). და სულ რამდენიმე ადამიანი მუშაობს საიტის ამ სეგმენტში. მუშაობს თავდაუზოგავად,
შეუჩერებლად, რომ ყველა კითხვაზე დროული და კომპეტენტური პასუხი მიიღოთ.

ალბათ ბევრს ვერც კი წარმოუდგენია, რამხელა პასუხიმგებლობაა ამ ადამიანებზე. სიტყვა, რომელიც იწერება და რჩება, კონტროლდება უამრავი მკითხველის მიერ, მათ შორის არიან პროფესიონალი ექიმები - ჩვენი კოლეგები და მე არ მახსენდება არც ერთი შემთხვევა ამ წლების მანძილზე, რომ ჩვენთვის ვინმეს მოემართოს არაკომპეტენტურობის ან არასწორი რეკომენდაციის გამო საყვედურით.

გვწერენ ნებისმიერი პროფილის კითხვებს, გვწერენ ისეთ ინტიმურ საკითხებზეც, რომლის გამოც ხშირად ექიმთან მისვლას ერიდებიან. გვწერენ ფსიქოლოგიურ პრობლემებზე, ოჯახურ კონფლიქტებზე და ჩვენ ასეთ დროს თითოეული თქვენგანის ოჯახის გულშემატკივარი ვხდებით. ხშირად გვწერენ უმძიმეს ონკოლოგიურ თუ სხვა პრობლემებზე და ალბათ ვერც წარმოიდგენთ, რამხელა ტკივილს ვგრძნობთ ასეთ დროს - ვცდილობთ ბრძოლის ძალა და უნარი შევმატოთ კითხვის ავტორებს მძიმე სენთან გასამკლავებლად.

რამდენჯერ ერთად გაგვირჩევია თითოეული თქვენგანის პრობლემა და თქვენთან ერთად გვტკენია.

ბავშვებივით გვახარებს ხოლმე მადლიერების წერილები, რომლებსაც იშვიათად, მაგრამ მაინც გვიგზავნით, რადგან ამით ვხვდებით, რომ ჩვენი რჩევები რაღაცაში მაინც გამოგადგათ, რომ უკეთ ხართ- ჩვენთვის ხომ ეს არის მთავარი მიზანი.

რაც შეეხება საიტის არქივს - სტატიებს, ენციკლოპედიებს, ცნობარებს, ვცდილობთ ჩვენი ბაზა იყოს სრულყოფილი და შეიცავდეს ყველა ინფორმაციას სამედიცინო სფეროში, რათა შეძლოთ მშობლიურ ენაზე წაიკითხოთ ყველაფერი საკუთარი პრობლემის შესახებ.

პირველი შემთხვევაა, რომ ასეთ წერილს გწერთ, ჩვენო მკითხველო. ალბათ დრომ მოიტანა ეს ყველაფერი - თქვენ უკვე ძალიან ბევრნი ხართ და ალბათ ძნელია დაიჯეროთ, მაგრამ თითოული თქვენგანი ჩვენთვის ძალიან ახლობელი და ძვირფასია.

ჩვენ თქვენ გვიყვარხართ და ამ სიყვარულით გემსახურებით! გმადლობთ, რომ გვენდობით!

თამარ მამაცაშვილი
მკურნალი.გე-ს მთავარი რედაქტორი



ამ ავტორის სხვა სტატიები
თარიღი : 24-03-2018
თამარი
თქვენი გაზეთი ძალიან მიყვარს და მრავალწლიან წარმატებებს გისურვებთ მთელ კოლექტივს.::):):)
თარიღი : 12-03-2018
Neliko
Chvenc gvikvarxart!!! Madloba kompetenciis da gaweuli daxmarebistvis.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მსგავსი სიახლეები
მეგობრებო, მკურნალი.გე-ს სარედაქციო ჯგუფმა საიტის დაარსების დღიდან
18-07-2018
თამარ მამაცაშვილი - mkurnali.ge-ს მთავარი რედაქტორი: დღე არ გავა, რომ ქართველი ექიმების კომპეტენტურობაში ეჭვის შესატანად სტატია არ დაიწეროს ინტერნეტ-სივრცეში,
07-07-2018
ფარმაკოლოგია წლიდან წლამდე ვითარდება, თუმცა მისი ფუნდამენტური ნაწილი უცვლელია
05-07-2018
ამ კატეგორიის სხვა სტატიები
დედაქალაქის მერი კახა კალაძე სიცრუეს და დიდ ტყუილს უწოდებს გავრცელებულ ინფორმაციას, რომ 61 ათასი
ოჯახი, რომელიც ბავშვის აყვანის მსურველთა რიგში პირველია, შვილის აყვანას 20 წელია ელოდება, სიაში
ნარ­კო­ტი­კუ­ლი სა­შუ­ა­ლე­ბის მი­ღე­ბის შე­დე­გად ახალ­გაზ­რდა მა­მა­კა­ცი გარ­და­იც­ვა­ლა. მან ორ ახალ­გაზ­რდას­თან
თურქეთის ერთ-ერთ კლინიკაში მყოფი კულტურის ყოფილი მინისტრი მიხეილ გიორგაძე რეანიმაციის
მხცოვანი ადამიანების მდგომარეობის გასაუმჯობესებელ პრეპარატებს გერონტოპროტექტორებს უწოდებენ.
ასაკთან ერთად ჩვენი კუნთები კარგავს ტრავმის შემდგომ პერიოდში სწრაფად აღდგენის უნარს. მეცნიერებმა
24 ივლისი 2018
დიდი ხანია ცნობილია, რომ ფეხშიშველი სიარული ბრტყელტერფიანობის, ტერფის კუნთების ატროფიის და
13 ივნისი 2017
შფოთვის შეტევა, უეცარი გამოვლინების გამო, „მკურნალობას“ ძნელად ექვემდებარება. ამ დროს ადამიანი კარგავს საკუთარ სხეულზე
მარიხუანას მომხმარებლები ინსულტისა და გულის უკმარისობის განვითარების მომატებული რისკის ქვეშ
ეს სტატია 31 იანვარს გამოქვეყნდა ამერიკის ერთ-ერთ პოპულარულ სამეცნიერო ჟურნალში Science Translational Medicine და
აბუსალათინის ზეთი საფაღარათო საშუალებებს მიეკუთვნება. საფაღარათო ეფექტი, როგორც წესი, ვითარდება