კიბოს წამალი გაფანტული სკლეროზის განვითარებას აფერხებს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

კიბოს წამალი გაფანტული სკლეროზის განვითარებას აფერხებს

.

ამერიკელ მეცნიერთა მონაცემებით, ეს საშუალება ამჟამად არსებულ წამლებზე გაცილებით ეფექტურია.

კალიფორნიის უნივერსიტეტში ჩატარდა გამოკვლევა გაფანტული სკლეროზით დაავადებულ 104 პაციენტზე. კვლევის პირველ და მეთხუთმეტე დღეს 69 პაციენტს ვენაში რიტუკსიმაბის ინექცია გაუკეთეს, დანარჩენს კი პლაცებო შეუყვანეს. პაციენტებზე დაკვირვება 48 კვირის განმავლობაში გრძელდებოდა. პერიოდულად მათ მაგნიტურ-რეზონანსული ტომოგრაფია უტარდებოდათ.

აღმოჩნდა, რომ -

  • პაციენტებს, რომლებიც რიტუკსიმაბს იღებდნენ, ტვინის ანთებით დაზიანებათა რაოდენობა და ზომა შეუმცირდათ. პრეპარატმა რეციდივებიც გააიშვიათა - დაკვირვების პერიოდში პლაცებოს ჯგუფში დაავადების რეციდივი პაციენტთა 40%-ს განუვითარდა, ხოლო რიტუკსიმაბის ჯგუფში - 20,3%-ს.

გამოკვლევის ავტორის სტივენ ჰოზერის თქმით, ორი ინექციის ეფექტმა მთელ 48 კვირას გასტანა. ამასთანავე, გვერდითი ეფექტების ოდენობა დაახლოებით ისეთივე იყო, როგორიც საკონტროლო ჯგუფში. მიუხედავად ამისა, გაფანტული სკლეროზის სამკურნალოდ პრეპარატის გამოყენება ნაადრევია, ვინაიდან გვიანი და იშვიათი გვერდითი ეფექტების შეფასება ჯერ არ მომხდარა.

ჰოზერმა აღნიშნა, რომ პრეპარატი რიტუკსიმაბი წარმოადგენს ანტისხეულს, რომელიც აქვეითებს მოცირკულირე B-ლიმფოციტების დონეს. ამ პეპარატის დადებითი ეფექტი გაფანტული სკლეროზის პროგრესირებაში B-ლიმფოციტების როლზე მეტყველებს.

გაფანტული სკლეროზი მძიმე ნევროლოგიური დაავადებაა, რომელიც იმუნური სისტემის უჯრედების მიელინური გარსის დარღვევას უკავშირდება. დაავადება მიმდინარეობს მოძრაობის კოორდინაციის, მეტყველების დარღვევით და გადაადგილების უნარის სრული ან ნაწილობრივი დაკარგვით. გაფანტული სკლეროზით მთელ მსოფლიოში ორ მილიონამდე კაცია ავად.