რისი ბრალია უსიამოვნო სუნი
.
მეცნიერთა ჯგუფმა, რომელსაც ბეტსი კლარკი ხელმძღვანელობდა, შეისწავლა ჰალიტოზით შეწუხებული 21 პაციენტისა და ამ პრობლემის არმქონე 36 ადამიანის პირის ღრუ. მეცნიერებმა Solobacterium moorei-ს აღმოსაჩენად მოხალისეთა ენის ზედაპირიდან აღებული ნაცხი გამოიკვლიეს. გარდა ამისა, განისაზღვრა პირის ღრუში გოგირდოვანი ნაერთების (კერძოდ, გოგირდწყალბადის) კონცენტრაცია.
Solobacterium moorei ჰალიტოზის მქონე ყველა პაციენტს აღმოაჩნდა, ხოლო საკონტროლო ჯგუფის წევრთაგან - მხოლოდ 14%-ს. დადგინდა ისიც, რომ საკონტროლო ჯგუფის ყველა წევრს, რომელსაც კი ეს ბაქტერია უპოვეს, პერიოდულად აწუხებდა პაროდონტიტი.
"ენის ზედაპირზე მობინადრე ბაქტერიები უსიამოვნო სუნის მქონე ნაერთებსა და ცხიმოვან მჟავებს წარმოქმნიან. ათიდან 8-9 შემთხვევაში პირის ღრუში უსიამოვნო სუნს სწორედ ისინი იწვევენ. ფილტვებისა და ცხვირის ღრუს პრობლემებს ჰალიტოზის შემთხვევათა მხოლოდ მცირე ნაწილი უკავშირდება",- განაცხადა ჯგუფის ხელმძღვანელმა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სპეციალისტები პაციენტებს ურჩევენ, უსიამოვნო სუნის მოსაშორებლად ენა დღეში ორჯერ გაიწმინდონ სპეციალური ჯაგრისითა და ანტიბაქტერიული კბილის პასტით. ამჟამად კლარკი და მისი კოლეგები ცდილობენ, ისეთ ანტიბიოტიკსა და ანტისეპტიკს მიაგნონ, რომელიც Solobacterium moorei-ს გაუმკლავდება.
