ნინო ჩარგეიშვილი

.

ასეთი შედეგი აჩვენა აშშ-ისა და დიდი ბრიტანეთის მეცნიერთა ორი დამოუკიდებელი ჯგუფის მიერ ჩატარებულმა კვლევებმა, რომლებშიც ამავროზით დაავადებული 6 ზრდასრული პაციენტი მონაწილეობდა (ეს დაავადება გენების დეფექტის შედეგია და ბადურას პროგრესირებადი დეგენერაციით ვლინდება. 20-30 წლისთვის ადამიანი პრაქტიკულად მთლიანად კარგავს მხედველობას).

პენსილვანიის უნივერსიტეტთან არსებული მერფილდსის საავადმყოფოს მეცნიერთა ჯგუფმა RPE65 გენის დეფექტის მქონე 3 ავადმყოფი გამოიკვლია. ეს ის გენია, რომელიც ბადურას ნორმალური მუშაობისთვის აუცილებელი ცილების კოდირებას ახდენს. პაციენტებს თვალის უკანა ნაწილში დაზიანებული გენის ადენოვირუსზე მიბმული "მუშა" ასლი შეუყვანეს. 5-6 თვის შემდეგ მეცნიერებმა განაცხადეს, რომ-

• გენური თერაპია სამივე პაციენტისთვის წარმატებული აღმოჩნდა - ოპერაციამდე მათ მხოლოდ ხელის მოძრაობის გარჩევა შეეძლოთ, ამჟამად კი მხედველობის შესამოწმებელ ცხრილზე ფიგურებსაც არჩევენ.

ბრიტანელ მეცნიერთა ჯგუფმა, რომელსაც რობინა ალი ხელმძღვანელობდა, დადებით შედეგს მხოლოდ ერთ შემთხვევაში მიაღწია: 17 წლის ყმაწვილს გენური თერაპიის დახმარებით გაუუმჯობესდა ღამის მხედველობა.

მეცნიერთა თქმით, გენურ თერაპიას სერიოზული გვერდითი მოვლენები, მათ შორის - ბადურას ჩამოცლა, არ მოჰყოლია. ახლო მომავალში მეცნიერებს განზრახული აქვთ, მკურნალობის ახალი მეთოდი გამოსცადონ ბავშვებზე, რომლებსაც დაავადების გაცილებით ადრეული სტადია და, შესაბამისად, მხედველობის აღდგენის უფრო მეტი შანსი აქვთ.