მალარია და 4000 დოლარი სართად
კლინიკური კვლევა უახლოეს მომავალში დაიწყება. სიეტლის ცენტრში წელიწადში 100-200 მოხალისე იქნება მობილიზე-ბული. მეცნიერები ტესტირებას ჩაუტარებენ რამდენიმე ვაქცინას და პრეპარატს, რომლებიც მალარიის განსაკუთრებით საშიში ფორმების საწინააღმდეგოდ შეიქმნა. კვლევის მიზანი ვაქცინის ყველაზე ქმედითი სახეობის შერჩევაა. ექსპერიმენტისთვის გამოიყენებენ მალარიის პლაზმო-დიუმის კლონირებულ შტამებს, რომლებიც არ იწვევს დაავადების მორეციდივე ფორმებს და კარგად ემორჩილება მკურნალობას. მოხალისეები 5-6 დღეს გაატარებენ სასტუმროში, სადაც მათ ჩაუტარებენ სამედიცინო გამოკვლევებს და დღეში რამდენჯერმე აუღებენ სისხლს. მთელი ეს პროცესი სპეციალისტთა კონტროლის ფონზე წარიმართება. დაავადების მიმდინარეობა პროგნოზირებადი იქნება, ხოლო მკურნა-ლობა მაშინვე დაიწყება, როგორც კი პარაზიტები სისხლში მოხვდებიან. მეცნიერები ამტკიცებენ, რომ მოხალისეებს თვითშეგრძნება დაახლოებით ისეთივე ექნებათ, როგორიც ჩვეულებრივი გრიპის დროს.
ანალოგიური გამოკვლევები ჩატარდა მერილენდის სამეცნიერო კვლევით ინსტიტუტში, აგრეთვე - დიდი ბრიტანეთისა და ნიდერლანდების სამეცნიერო ცენტრებში. ამ ექსპერიმენტების დროს არ აღრიცხულა არც ერთი ლეტალური შედეგი და არც ერთ პაციენტს ჰოსპიტალიზაცია არ დასჭირვებია. მალარიით მთელ მსოფლიოში ყოველწლიურად მილიონამდე ადამიანი კვდება. მის მსხვერპლთა შორის უმრავლე-სობა აფრიკელი ბავშვია. ვაქცინის შემუშავებისთვის 350 მლნ დოლარი ბილ და მელინდა გეიტსების ფონდმა გამოყო.