სოკო ეფექტურია დემენციის თავიდან ასაცილებლად
რომ სოკოს შეუძლია ალცჰაიმერის დაავადების განვითარებისა და პროგრესირების შეფერხება. კვლევის შედეგები ჟურნალ Foods-ში იყო წარმოდგენილი.
ამ ეფექტზე პასუხისმგებელია სოკოს ბიოაქტიური ნაერთები, განსაკუთრებით ნეიროპროტექტორული მცირე მოლეკულები. ავტორების აზრით, ეს აღმოჩენა გვაძლევს საშუალებას მივიჩნიოთ სოკო, როგორც ხანდაზმულთა დემენციის თავიდან აცილების საშუალება.
ალცჰაიმერის დაავადება პროგრესირებადი ნეიროდეგენერაციული დაავადებაა, რომლის დროსაც ადამიანის კოგნიტური ფუნქციები ქვეითდება. ამ ტიპის დემენციის განკურნება ჯერ კიდევ შეუძლებელია, ამიტომ მნიშვნელოვანია დაავადების პრევენციის გზების ძიება.
უკვე დიდი ხანია დამტკიცებულია, რომ კვების ჩვევების შეცვლამ შეიძლება შეაფერხოს ალცჰაიმერის დავადების განვითარება, მაგრამ სოკოს გავლენა ტვინის ჯანმრთელობაზე არ არის შეფასებული. ავტორებმა ჩაატარეს სხვა კვლევების მეტა-ანალიზი.
მათ შეძლეს დაედგინათ, რომ სოკოს აქვს სიმსივნის საწინააღმდეგო, ანტიოქსიდანტური, ანტიმიკრობული და ნეიროპროტექტორული თვისებები. არაერთმა კვლევამ ასევე აჩვენა, რომ სოკოს ხშირი მოხმარება მნიშვნელოვნად ამცირებს დემენციის განვითარების რისკს.
ასე რომ, კვირაში მხოლოდ 300 გრ სოკო (ორი ან სამი სოკო) საკმარისია, რომ მსუბუქი კოგნიტური დაქვეითების რისკი 50%-ით შემცირდეს.