უახლესი მაგნიტურ რეზონანსული ტომოგრაფი ნევროლოგიური დაავადებების კვლევას ამარტივებს
მაგნიტურ-რეზონანსული ტომოგრაფით Siemens Magnetom VIDA. ეს გახლავთ 3 ტესლა ინდუქციური ძალის მქონე აპარატი, რომელიც აღჭურვილია თანამედროვე კვლევის სრული პროგრამული უზრუნველყოფით, წინა თაობის აპარატებთან შედარებით გაცილებით სწრაფია, 70%-ით არის გაუმჯობესებული ვიზუალიზაციის ხარისხი, რაც ექიმებს აძლევს საშუალებას დროის მოკლე მონაკვეთში მოახდინონ თავის ტვინისა და ხერხემლის სვეტის დაავადებათა ზუსტი დიაგნოსტიკა და დიფერენციალური დიაგნოსტიკა.
„ნიუ ჰოსპიტალსის“ ექიმი რადიოლოგი მაია გაგუა გვესაუბრება იმ უპირატესობებზე, რომელსაც აპარატი ნევროლოგიური დაავადებების მქონე პაციენტებს სთავაზობს.
რა ტიპის ნევროლოგიური დაავადებების დროს არის რეკომენდებული უახლესი ტომოგრაფით კვლევის ჩატარება?
ახალი აპარატით კვლევის ჩატარება რეკომენდებულია ყველა ტიპის ნევროლოგიური დაავადების დროს. ეს ეხება როგორც მწვავე-გადაუდებელ, ასევე ქრონიკულ დაავადებებს. განსაკუთრებით დიდია მისი ინფორმაციულობა თავის ტვინის მწვავე იშემიური ინფარქტების ადრეულ დიაგნოსტიკაში მაგნიტურ-რეზონანსული დიფუზიისა და პერფუზიის შესწავლის ხარჯზე. აღნიშნული საშუალებას გვაძლევს, დროულად მოხდეს იშემიური კერის გამოვლენა და შესაბამისი მკურნალობის დაწყება (თრომბოლიზისი ან/და თრომბექტომია), რასაც პაციენტის სრულ გამოჯანმრთელებამდე ან მინიმალურ ინვალიდიზაციამდე მივყავართ. ასევე, მნიშვნელოვანია აღნიშნული მაგნიტურ-რეზონანსული კვლევის როლი ნეიროქირურგიულ პათოლოგიათა ადრეულ დიაგნოსტიკაში. პრეოპერაციულად, სიმსივნური კერის გამოვლენის, ლოკალიზაციისა და მოცულობის, სტრუქტურისა და პათოლოგიური პროცესის ზუსტი გავრცელების დადგენისთვის მეტად ეფექტური მეთოდია მაგნიტურ-რეზონანსული ტომოგრაფია, რაც ნეიროქირურგს აძლევს საშუალებას მინიმალური ტრავმატიზაციით მოახდინოს სიმსივნური პროცესის ევაკუაცია.
სხვა მაგნირურ რეზონანსულ ტომოგრაფებთან შედარებით, დამატებით, რა ინფორმაციას გვაწვდის, ნევროლოგიური დაავადებების კვლევის დროს?
ახალი მაგნიტურ-რეზონანსული ტომოგრაფი საშუალებას გვაძლევს, შევისწავლოთ თავის ტვინისა და ხერხემლის სვეტის როგორც სტრუქტურული, ასევე ფუნქციონალური ცვლილებები: ე. წ. მრ-სპექტროსკოპია, რომლის დროსაც შესაძლებელია მეტაბოლიტების კონცენტრაციის შესწავლა, იზოტროპული და ანიზოტროპული მრ-დიფუზია, მრ-ტრაქტოგრაფია, რომლის დროსაც ხდება მიელინიზირებული ბოჭკოების გამტარობის შესწავლა, მრ-პერფუზია და პერფუზიული რუკები, რომელიც იძლევა თავის ტვინის სისხლმომარაგების შესწავლის საშუალებას.
რას გულისხმობს აპარატის გაძლიერებული პროგრამული უზრუნველყოფა და რაში ეხმარება ის ექიმსა და პაციენტს?
აღნიშნული მაგნიტურ რეზონანსული ტომოგრაფი აღჭურვილია კვლევის თანამედროვე რეჟიმებით (როგორც კონვენციური, ასევე ფუნქციონალური), რომლებიც იძლევა ვიზუალიზაციის მაღალ ხარისხს, შესაბამისად, ზუსტი დიაგნოსტირებისა და დროული მკურნალობის დაწყების საშუალებას. პაციენტებისთვის კომფორტულია გენტრის დიდი დიამეტრის გამო, რაც არ იძლევა დახურული სივრცის შთაბეჭდილებას. მისი საშუალებით ასევე შესაძლებელია ჭარბი წონის მქონე პაციენტების გამოკვლევა (მაქსიმალური წონა - 220 კგ). ასევე, წინა თაობის აპარატებთან შედარებით კვლევა ბევრად უფრო ხანმოკლეა.
R