ესპრესო უფრო საზიანოა მამაკაცებისთვის, ვიდრე ქალებისთვის
თუმცა, როგორც ნორვეგიის არქტიკული უნივერსიტეტის მკვლევარებმა გაარკვიეს, ეს ეფექტი დამოკიდებულია ყავის მომხმარებელთა სქესზე და სასმელის მომზადების მეთოდზე.
მეცნიერებმა გააანალიზეს ნორვეგიის ქალაქ ტრომსოს 21000-ზე მეტი მაცხოვრებლის მონაცემები. მამაკაცებმა და ქალებმა, რომელთა საშუალო ასაკი 56 წელი იყო, 2015-2016 წლებში ყავის მოხმარების შესახებ კითხვებს უპასუხეს. მონაწილეებს ჰკითხეს, დღეში რამდენ ფინჯან ყავას სვამდნენ და როგორ ურჩევნიათ სასმელის მომზადება. მონაწილეებმა ასევე ჩააბარეს სისხლის ნიმუშები ანალიზისთვის და მიაწოდეს ინფორმაცია მათი ცხოვრების წესის, კვების, ფიზიკური აქტივობის, განათლების დონისა და ჯანმრთელობის მდგომარეობის შესახებ.
შეგროვებული ინფორმაციის ანალიზმა აჩვენა, რომ ყველაზე დიდი სქესობრივი განსხვავება სისხლში ქოლესტერინის დონის მატებასთან დაკავშირებით დაფიქსირდა ესპრესოს მიღებისას. იმ მონაწილეებთან შედარებით, რომლებიც საერთოდ არ სვამდნენ ესპრესოს, დღეში ასე მომზადებული 3-5 ფინჯანი ყავა ასოცირდება სისხლში ქოლესტერინის კონცენტრაციის მატებასთან 0,09 მმოლ/ლიტრით ქალებში და 0,16 მმოლ/ლიტრით მამაკაცებში.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
რაც შეეხება ყავის სხვა სახეობებს, დღეში ექვსი ან მეტი ფინჯანი ფრანგული პრესით მომზადებული სასმელი ზრდის ქოლესტერინს ორივე სქესში. ხსნადი ყავა ასევე მოქმედებს ქოლესტერინის დონეზე მამაკაცებსა და ქალებში დაახლოებით ერთნაირად, მიუხედავად დღეში დალეული ფინჯნების რაოდენობისა.
მეცნიერებმა ჯერ არ იციან, რატომ მოქმედებს სხვადასხვა მეთოდით მომზადებული ყავა სხვადასხვა სქესის წარმომადგენლების სისხლში ქოლესტერინის კონცენტრაციაზე.
