მეცნიერებმა დაამტკიცეს, რომ უცხო ენის სწავლა ძილშიც შეიძლება
კვლევის შედეგები წარმოდგენილი იყო bioRxiv საცავში გამოქვეყნებულ სტატიაში.
არაერთმა წინა კვლევამ აჩვენა, რომ ადამიანს შეუძლია ღრმა ძილის პირველ ფაზაში ახალი ინფორმაციის დამუშავება და შენარჩუნება. ახალ ნაშრომში ავტორებმა გადაწყვიტეს შეამოწმონ, რამდენად ეფექტურია ძილის დროს უცხო ენის სწავლა.
ექსპერიმენტში ჩართული იყო 30 გერმანულენოვანი ადამიანი, რომლებსაც ლაბორატორიაში ეძინათ. ძილის დროს მეცნიერებმა შეაგროვეს მონაცემები მოხალისეთა ტვინის აქტივობის შესახებ, რათა ზუსტად დაედგინათ აქტივობისა და დაქვეითების ფაზები.
ექსპერიმენტის დროს მონაწილეებმა გამოიყენეს ყურსასმენები: ერთ ყურში ასმენინებდნენ სიტყვას გერმანულად, ხოლო მეორეში - ამ სიტყვის არასწორ თარგმანს.
არასწორი თარგმანი გამოიყენებოდა იმ სიტუაციების თავიდან ასაცილებლად, როდესაც მონაწილეებმა უკვე იცოდნენ სიტყვა. მოხალისეთა ნახევარს ეს სიტყვები ტვინის აქტივობის პიკების დროს ესმოდა, მეორეს კი დაქვეიტების პერიოდში.
საერთო ჯამში, მათ მოისმინეს 27 სიტყვა, რომლებიც მიეკუთვნებოდა ცნებების სამ კატეგორიას - ცხოველები, ადგილები და ხელსაწყოები. თითოეული სიტყვა ყურსასმენში ოთხჯერ მეორდებოდა.
12 და 24 საათის შემდეგ ჩატარდა ტესტი, რომელშიც მოხალისეებს თარგმანი ერთ-ერთ ზემოთ ჩამოთვლილ კატეგორიას უნდა მიეკუთვნებინათ. შედეგებმა აჩვენა, რომ აქტივობის დაქვეითების პერიოდებში ტვინს უკეთ ახსოვდა სიტყვების თარგმნა - სწორი არჩევანის ალბათობა 12 საათის შემდეგ იყო 37%, ხოლო 24 საათის შემდეგ 41%.
მეცნიერთა აზრით, ეს ამტკიცებს ტვინის უნარს, დაიმახსოვროს ინფორმაცია ძილის დროს, მაგრამ ეს ეფექტი უმნიშვნელოა.
