მათემატიკოსებმა სიცოცხლის მაქსიმალური ხანგრძლივობა იწინასწარმეტყველეს
რომ ადამიანებს ჯერ არ მიუღწევიათ სიცოცხლის მაქსიმალური ხანგრძლივობისათვის, რომელიც 140 წელი უნდა იყოს. ამის შესახებ ნათქვამია ჟურნალ PLOS ONE-ში გამოქვეყნებულ სტატიაში.
მკვლევარები თავიანთ ვარაუდს ეყრდნობიან არა ბიოლოგიურ წინაპირობებზე, არამედ გომპერცის სტატისტიკურ კანონზე, რომელიც ამბობს, რომ ადამიანთა ჯგუფში სიკვდილიანობა ექსპონენტურად იზრდება ამ ჯგუფის ასაკთან ერთად. 50 წლის შემდეგ სიკვდილის რისკი ორმაგდება ყოველ 10 წელიწადში.
გომპერცის მაქსიმალური ასაკი (GMA) არის ყველაზე ახალგაზრდა ასაკი, როდესაც ადამიანები აღწევენ სიკვდილიანობის პლატოს, რაც იმას ნიშნავს, რომ სიკვდილიანობის მაჩვენებელი აღარ იზრდება ამ ასაკის მიღწევის შემდეგ.
ისტორიამ გამოავლინა სიკვდილიანობის დაგვიანებული ზრდის რამდენიმე ეპიზოდი.
პირველი მოხდა მე-19 საუკუნის მეორე ნახევრის დასაწყისში დაბადებულ ადამიანთა კოჰორტაში და უფრო გამოხატული იყო ქალებში, ვიდრე მამაკაცებში. ამ პერიოდის განმავლობაში GMA გაიზარდა დაახლოებით 5 წლით.
სიკვდილიანობის გადადების მეორე, ბევრად უფრო მნიშვნელოვანი ეპიზოდი გავლენას ახდენს 1910-დან 1950 წლამდე დაბადებულ კოჰორტებზე (ანუ მათზე, ვინც ამჟამად 70-დან 110 წლამდეა). ამ კოჰორტების GMA შეიძლება გაიზარდოს 10 წლით.
მათემატიკური მოდელი პროგნოზირებს, რომ 1950 წლის შემდეგ დაბადებულმა ადამიანებში GMA-ს კიდევ უფრო დიდი ზრდა უნდა აღინიშნოს. დღეგრძელობის ამჟამინდელი რეკორდები 2073 წლის შემდეგ მოიხსნება და ზოგიერთი ადამიანი 140 წლამდე იცოცხლებს.
თუმცა, ავტორები აღნიშნავენ, რომ ექსტრემალური ასაკობრივი მნიშვნელობების მიღწევა თავისთავად არ იქნება სტატისტიკური შემთხვევა. ეს მოითხოვს სამედიცინო ძალისხმევას ხანდაზმულთა ჯანმრთელობისა და კეთილდღეობის შესანარჩუნებლად, ასევე სტაბილურობას პოლიტიკურ, ეკოლოგიურ და ეკონომიკურ გარემოში.