მცენარეებისთვის სასიკვდილო სოკომ ისტორიაში პირველად დააინფიცირა ადამიანი
რომელიც დაავადდა მცენრეებისთვის სასიკვდილო სოკოვანი დაავადებით. ინფორმაციას Science Direct-ი ავრცელებს.
ინდოეთის 61 წლის მცხოვრებმა, რომლის სახელიც არ სახელდება, სამედიცინო დახმარებას გრიპის მსგავსი სიმპტომებით მიმართა. ის უჩიოდა მუდმივ ხველას, ხმის ჩახლეჩვას, ყლაპვის გაძნელებას და დაღლილობას. ამ დროისთვის მას ჯანმრთელობის პრობლემები სამი თვის განმავლობაში ჰქონდა.მამაკაცს არ ჰქონდა ქრონიკული დაავადების ან იმუნოდეფიციტის ისტორია.
შემოწმებისას ექიმებმა პაციენტის ტრაქეაში აბსცესი აღმოაჩინეს. დრენირების შემდეგ ჩირქის ნიმუშები ლაბორატორიაში გაიგზავნა. დაავადების გამომწვევი მიზეზის დადგენა ჩვეულებრივი მეთოდებით შეუძლებელი გახდა, მაგრამ საბოლოოდ ექსპერტები მივიდნენ დასკვნამდე, რომ საქმე ჰქონდათ Chondrostereum purpureum-ის სახეობის სოკოთი ინფექციასთან. ის ჩვეულებრივ მხოლოდ მცენარეებს აზიანებს, რის შედეგადაც მათ უვითარდებათ სასიკვდილო დაავადება, რომელსაც „ვერცხლის ფოთოლი“ ეწოდება.
ამ სოკოთი ადამიანის ინფექციის არც ერთი შემთხვევა ადრე არ დაფიქსირებულა.
ორი თვის განმავლობაში პაციენტმა გაიარა სოკოს საწინააღმდეგო მკურნალობის ორი კურსი. ინდოელზე ორწლიანმა დაკვირვებამ არ გამოავლინა რაიმე გართულება, არ ყოფილა დაავადების რეციდივები.
სავარაუდოდ, მამაკაცს ინფექცია მცენარეთა მიკოლოგად მუშაობის გამო დაემართა. იგი დიდხანს მუშაობდა ობის, საფუარსა და სოკოებით.
ექსპერტების აზრით, ეს შემთხვევა ექიმების სერიოზულ შეშფოთებას იწვევს, რადგან დასტურდება, რომ ინფექციამ შეიძლება გავლენა მოახდინოს როგორც ჯანმრთელ ადამიანებზე, ასევე იმუნიტეტის პრობლემებით დაავადებულებზე. მათ ხაზგასმით აღნიშნეს, რომ გლობალურმა დათბობამ შეიძლება გახსნას პანდორას ყუთი ახალი სოკოვანი დაავადებებისთვის.
დათბობა აჩქარებს მუტაციების რაოდენობას, რამაც შეიძლება გაზარდოს წამლისადმი მდგრადობა და დაეხმაროს სოკოებს ადამიანის ორგანიზმში გადარჩენაში.
„ვერცხლის ფოთოლი“ ზოგიერთი ხე მცენრეს ფოთლების სოკოვანი დაავადებაა. მის მიმართ განსაკუთრებით მგრძნობიარეა ქლიავი, ვაშლის ხეები, გარგარი და ალუბალი. ის გამოწვეულია სოკოთი Chondrostereum purpurea და ხშირად იწვევს მცენარის სიკვდილს.
