ლალი ჩხიკვაძე

ხელოვნებისა და გონების საერთაშორისო ლაბორატორიის აღმასრულებელმა დირექტორმა, გამოაქვეყნა წიგნი „შენი ტვინი ხელოვნებშიე“, სადაც მან შეაგროვა რამდენიმე კვლევა, რომელიც ადასტურებს, თუ როგორ მოქმედებს კრეატიულობა და ხელოვნება ტვინზე.

ავტორი წერს, რომ ზოგიერთი აქტივობა სამხედრო პერსონალსაც კი ეხმარება პოსტტრავმული აშლილობებისგან უფრო სწრაფად თავის დაღწევაში, ხოლო კიბოს პაციენტებში არტთერაპიის შემდეგ სწრაფი აღდგენა შეინიშნება.

Only Good News იუწყება, რომ მთავარი გზავნილი, რომელიც წარმოდგენილია როგორც წიგნში, ასევე კვლევაში, არის ის, რომ თუ 45 წუთს დაუთმობთ რაიმე სახის ხელოვნებას, ეს შეამცირებს კორტიზოლის (სტრესის ჰორმონის) შემცველობას და დაეხმარება ადამიანს იცხოვროს ბედნიერი და ჯანმრთელი ცხოვრებით.

მაგსიმენის კვლევის სფეროა ნეიროესთეტიკა, რომელიც სწავლობს ტვინის რეაქციას მხატვრულ მოვლენებსა და ნამუშევრებზე.

წიგნის ავტორის თქმით, რაც უფრო მეტს ვიგებთ ხელოვნების ფიზიკურ და ფიზიოლოგიურ ეფექტებზე, მით უკეთესად შეგვიძლია მისი ეფექტურად გამოყენება ცხოვრებაში. მაგსეიმენმა გამოავლინა 10 ჰობი, რომელიც გააძლიერებს ტვინს და გააუმჯობესებს მის მუშაობას.

სიმღერა

ეს აქტივობა ააქტიურებს ცდომილ ნერვს, ააქტიურებს ნერვული სისტემის პარასიმპათიკურ ნაწილს და იწვევს სიმშვიდისა და ოპტიმიზმის განცდას. ნაჩვენებია, რომ სიმღერა ეხმარება დემენციით დაავადებულებს დაბრუნდნენ ოჯახთან და მეგობრებთან, რადგან ის ააქტიურებს სხვადასხვა მეხსიერების კავშირებს ტვინში.

ფლეილისტის შექმნა

სიმღერები, რომლებიც დაკავშირებულია ბედნიერ მოგონებებთან, ამაღლებს თქვენს განწყობას და ამცირებს შფოთვას. აკუსტიკური რხევები შესანიშნავი წამალია ემოციური გადატვირთვისთვის, ფაქტიურად ცვლის ვიბრაციას ჩვენს ორგანიზმში.

თქვენი საყვარელი ლექსების კითხვა

ეს ჰობი მოიცავს ტვინის იმავე უბნებს, რასაც მუსიკის მოსმენა, ასტიმულირებს პირველად ნერვულ კავშირებს.

თიხით ან პლასტილინით მუშაობა

ეს არის ხელოვნების ერთადერთი ფორმა, რომელშიც ორივე ხელი აკეთებს ზუსტ, კოორდინირებულ მოძრაობებს. კვლევამ აჩვენა, რომ თიხისგან რაღაცის ჩამოსხმა და შემდეგ მისი დაშლა და ყველაფრის თავიდან დაწყება ფსიქოლოგიურად სასარგებლოა. აღსანიშნავია ისიც, რომ თიხასთან მუშაობის ტაქტილური შეგრძნებები ხელს უწყობს ცუდი განწყობის, შფოთვის შემცირებას და ასევე იძლევა ფოკუსირების შესაძლებლობას, რაც იწვევს სეროტონინის გამომუშავებას.

ხელსაქმის წრე

ადამიანთა ჯგუფში ქსოვა ან კერვა ხელს უწყობს სოციალური კავშირების გაძლიერებას, ფოკუსირების შენარჩუნებას, შფოთვის შემცირებას და სტრესის მართვას.

ისიამოვნეთ თქვენი საყვარელი სურნელებით

სუნი გვაძლევს ემოციის 75%-ს. სასურველი სურნელის ცხელ აბაზანაში ჩასვლა ქმნის სასიამოვნო შეგრძნებას, რომელიც დადებითად მოქმედებს ტვინზე და ამავდროულად ამშვიდებს სხეულს.

ინტერაქტიულ ექსპონატებზე ფიქრი

ააქტიურებს ყველა გრძნობას და ქმნის ძლიერ ემოციურ პასუხებს, რომლებიც ხელს უწყობს სწავლას და აძლიერებს მეხსიერებას.

ბოლო კვლევამ აჩვენა, რომ ემოციების მართვა ხელს უშლის ტვინის დაბერებას. მედიტაცია ამის საუკეთესო საშუალებაა.