”მკურნალის” რედაქცია

ხალის უამრავი ფორმა არსებობს. ერთ ადამიანსაც კი შეიძლება ერთმანეთისგან მკვეთრად განსხვავებული ხალები ჰქონდეს, თუმცა სტანდარტული ხალი უფრო ხშირად ყავისფერია, ის ასევე შეიძლება იყოს შავი, ცისფერი, ვარდისფერი, მოყვითალო, თმიანი, ან სულაც უფერული.

როგორც წესი, ასეთი „უწყინარი“ ხალი წრიული ფორმისაა, თხელია და თვიდან თვემდე მისი ზომა, თუ გარეგნული ნიშნები, არ იცვლება. თუმცა გამორიცხული არაა, რომ დროთა განმავლობაში ხალმა ყველა ნიშან-თვისება ნელ-ნელა შეიცვალოს, ან სულაც გაქრეს.

როგორ განვასხვაოთ უწყინარი ხალი მელანომისგან?

„მელანომა“ ლათინური სიტყვაა და კანის ავთვისებიანი სიმსივნის აღნიშვნისთვის გამოიყენება. იმისათვის, რომ ჩვეულებრივი ხალი „საშიში ხალი“-საგან განვასხვაოთ, ყურადღება უნდა მივაქციოთ შემდეგ დეტალებს :

• ასიმეტრიულობა - როგორც წესი, კეთილთვისებიანი ხალი სიმეტრიულია, სიმსივნური და კიბოსწინარე ხალი კი - არაერთგვაროვანი (ხალის ერთი ნახევარი მეორისგან განსხვავებულია)
• ფორმა - ჩვეულებრივ შემთხვევაში, სტანდარტული ხალი მრგვალი ფორმისაა, ავთვისებიანი ხალი კი არაერთგვაროვანი ფორმით გამოირჩევა.
• ფერი - ჩვეულებრივ, ხალი ყავისფერი, შავი ან ვარდისფერია. ხოლო სიმსივნურ ხალს, ხშირად ერთზე მეტი ფერი აქვს.
• დიამეტრი - ხშირ შემთხვევაში მელანომას დიამეტრი 6 მილიმეტრზე მეტია ხოლმე, სტანდარტული ხალი კი როგორც წესი უფრო მცირე ზომისაა.
• განვითარება - თუ ხალი, დროის გასვლასთან ერთად ზომას, ან ფერს იცვლის, აუცილებლად მიმართეთ სპეციალისტს.

თუ გაქვთ ხალი და ფიქრობთ, რომ თვითმკურნალობით ყველაფრის კონტროლს შეძლებთ, ძალიან რისკავთ ! გაგაცნობთ 5 ფაქტორს, რომელიც დაგარწმუნებთ, რომ სპეციალისტთან კონსულტაცია უმნიშვნელოვანესია მსგავს საკითხებთან გამკლავების პროცესში :

1. სიმსივნის რისკი - არ გაშინებთ, მაგრამ კანის სიმსივნე შესაძლოა მრავალი გზით განვითარდეს, იქნება ეს ცვალებადი ხალი, გარეგანი დაზიანება, ნაკაწრი თუ ნებისმიერი ტიპის ტრავმა, რომელიც პროფესიონალი დერმატოლოგისა და პროფესიონალური დერმატოსკოპიული კვლევის გარეშე, ყოველთვის იქნება მაღალი რისკის შემცველი.

სპეციალისტთან ვიზიტი მომენტალურად გაფანტავს ყველა ეჭვს, შიშს და პოზიტიურად იმოქმედებს თქვენს განწყობაზე. იმ შემთხვევაშიც კი, თუ დაავადება დაგიდასტურდათ, გახსოვდეთ, რომ მელანომის დროული აღმოჩენა მასთან გამკლავებას და მკურნალობის პროცესს ბევრად ამარტივებს.

2. ინფექციის რისკი - რა გასაკვირია, რომ პროფესიონალი ექიმი პაციენტთან კონტაქტისას ზედმიწევნით იცავს ყველა წესსა თუ guideline-ს, შესაბამისად, რისკი, რომ დერმატოლოგთან ინფექციურ გართულებას შეხვდებით, მინიმუმამდეა დაყვანილი.

3. სახსრები - თუ თქვენი კანის ისეთ ზედაპირთან გიწევთ კონტაქტი, რომელიც ფარავს სახსარს,(მაგ: თითი,იდაყვი,მუხლი) არასწორმა მკურნალობამ/პროცედურამ, შესაძლოა თქვენი კიდურების მოძრაობა შეზღუდოს.

პროფესიონალ დერმატოლოგთან ვიზიტისას, ეს რისკი არ გაქვთ.

4. სისხლდენა - კანქვეშ უამრავი კაპილარი, თუ სისხლძარღვია განლაგებული, მათმა უმცირესმა დაზიანებამაც კი შესაძლოა გამოიწვიოს გაუთვალისწინებელი სისხლდენა და მკვეთრად გაართულოს თქვენი ჯანმრთელობის მდგომარეობა. პროფესიონალ დერმატოლოგთან ვიზიტისას, ეს რისკი მინიმუმამდეა დაყვანილი.

5. ულტრათანამედროვე აპარატურა - საბედნიეროდ, დღეს, ხალის ავთვისებიანობის კოეფიციენტის დადგენა და მისი კონტროლი მარტივად ხდება ხელოვნური ინტელექტის მეშვეობით.

მულტიპროფილურ კლინიკა „კანი“-ში ხალის გამოვკლევის პროცედურა ტარდება გერმანული FotoFinder - ის ულტრათანამედროვე აპარატის საშუალებით, არაინვაზიური მეთოდით, სწრაფად და უმტკივნეულოდ, ყოველგვარი უკუჩვენებების გარეშე (ასაკი, ორსულობა და ა.შ.), ხელოვნური ინტელექტის მქონე პროგრამა კი თქვენი ხალის სიმსივნურ რისკს, სულ რამდენიმე წამში დაადგენს!

👉 დაჯავშნე ვიზიტი:

🌐 https://bit.ly/3m4FVwo

📞 0322 43 40 00

📍 თბილისი, გ.სააკაძის დაღმართი 11

🕘 ყოველ დღე - 09:00-21:00სთ