მეცნიერებმა დაასახელეს სოციალური ფაქტორი, რომელიც ქალებს დემენციისგან იცავს
რომ ქალებში დემენციის მაღალი რისკი შეიძლება ასოცირდებოდეს სოციალურ-ეკონომიკურ და არა ბიოლოგიურ ფაქტორებთან, კერძოდ - განათლებაზე დახარჯული წლების რაოდენობასთან. კვლევა გამოქვეყნებულია ჟურნალში Alzheimer's & Dementia.
კვლევაში მონაწილეობა მიიღო 6 კონტინენტის 18 ქვეყნის 30 000-მა ადამიანმა. მეცნიერებმა შეისწავლეს ასაკის, დიაბეტის, დეპრესიის, სმენის დაქვეითების და APOE4 გენის მუტაციების შედეგები. ეს ნიშნები დემენციის რისკის ფაქტორებია და ისინი თანაბრად მოქმედებენ მამაკაცებსა და ქალებზე.
ამასთან, დემენცია უფრო ხშირად აღენიშნებოდა ქალებს, ეს დამოკიდებულება განსაკუთრებით ღარიბ ქვეყნებშია გამოხატული. შემთხვევათა სხვაობის ნაწილი განპირობებულია იმით, რომ ქალები უფრო მეტხანს ცოცხლობენ ვიდრე მამაკაცები, მაგრამ მხოლოდ ასაკი ვერ ხსნის განსხვავებას.
მკვლევარებმა ასევე დაადგინეს, წლების განმავლობაში უწყვეტი განათლება, ფართო თეძოები, ალკოჰოლის ზომიერი მოხმარება და მაღალი ფიზიკური აქტივობა დაკავშირებულია ორივე სქესის დემენციის დაბალ რისკთან. მაგრამ განათლებაზე დახარჯული წლების რაოდენობა ქალებისთვის უფრო მნიშვნელოვანი იყო.
ავტორებს მიაჩნიათ, რომ ზოგადად, ქალებში დემენციის გაზრდილი რისკის გეოგრაფიული ნიმუშები ეხმიანება გენდერული უთანასწორობის ხარისხს: ღარიბ ქვეყნებში კვლევის მონაწილეებს არ ჰქონდათ მამაკაცებთან შედარებით თანაბარი საგანმანათლებლო და პროფესიული შესაძლებლობები.
მანამდე სხვა კვლევებმა აჩვენა, რომ განათლების უმაღლესი დონე და გონებრივი მასტიმულირებელი აქტივობები იცავს მამაკაცებსა და ქალებს დემენციისგან.