მსოფლიოში მეხუთე ადამიანი აივ-ისგან სრულად განიკურნა
ამის შესახებ abcnews იტყობინება.
პირველად დიუსელდოფელი პაციენტის წარმატებული მკურნალობის შესახებ 2019 წელს გახდა ცნობილი, მაგრამ მაშინ მკვლევარებმა ვერ მიაწოდეს ინფორმაცია აივ ინფიცირებული ადამიანის სრული განკურნების შესახებ.
2023 წლის თებერვალში მკვლევარებმა განაცხადეს, რომ 53 წლის მამაკაცს ჯერ კიდევ არ აქვს გამოვლენილი ვირუსი სხეულში, აივ-ის წამლის მიღების შეწყვეტის შემდეგაც კი.
„ეს ნამდვილად განკურნებაა და არა მხოლოდ გრძელვადიანი რემისია. ეს აშკარად პოზიტიური სიმბოლო იმედის მომცემია, მაგრამ ჯერ კიდევ ბევრი სამუშაოა გასაკეთებელი“, - თქვა ექიმმა ბიორნ-ერიკ ოლე ჯენსენმა.
წყაროს ცნობით, პაციენტი განიკურნა ღეროვანი უჯრედების გადანერგვის შემდეგ, რომელსაც ჩვეულებრივ მხოლოდ კიბოს დიაგნოზის მქონე პაციენტებს უტარებენ. ტრანსპლანტაციის მთავარი მიზანი კიბოს განკურნებაა, მაგრამ ზოგიერთ შემთხვევაში ამ პროცედურამ ასევე განკურნა აივ-ისგანაც.