ჩერნობილში ძაღლებს დნმ-ის უნიკალური ცვლილებები აღმოაჩნდათ
დაადგინეს დნმ-ის უნიკალური ცვლილებები ჩერნობილის ძაღლებში, რომლებიც ცხოვრობენ ატომური ელექტროსადგურის ზონის მახლობლად, რომლებიც მნიშვნელოვნად განსხვავდება ძაღლის ყველა არსებული ჯიშებისაგან. კვლევის შედეგები გამოქვეყნებულია ჟურნალში Science Advances.
ავტორები ხუთი წლის განმავლობაში აგროვებდნენ სისხლის ნიმუშებს ჩერნობილის ელექტროსადგურზე და ასევე აფეთქების ეპიცენტრიდან 15-45 კილომეტრში მცხოვრები 302 ძაღლისგან. მიღებული ნიმუშებიდან იზოლირებული იქნა დნმ-ის ჯაჭვები, შემდეგ კი შეადარეს მსგავს მაჩვენებლებს ძაღლების სხვადასხვა ჯიშებში, ასევე ველურ წარმომადგენლებში.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ამან შესაძლებელი გახადა ჩერნობილის ცხოველების ორი განსხვავებული პოპულაციის გამოყოფა - პირველი, რომელიც ცხოვრობდა რეაქტორთან და ქალაქ პრიპიატთან ახლოს, ხოლო მეორე ცოტა უფრო შორს, ქალაქ ჩერნობილში. ძაღლების ორი ჯგუფის გენომი განსხვავდებოდა ჩვეულებრივისგან, მათ შორის ჯიშიანების, მეტისებისა და ნახევრად ველური ძაღლებისგან. გარდა ამისა, ორი პოპულაციის გენეტიკური მონაცემები არ ჰგავდა ერთმანეთს, მიუხედავად ხშირი შეჯვარებისა. ექსპერტები თვლიან, რომ ამის მიზეზი რადიაციის რეგულარული ზემოქმედებაა.
ამავდროულად, ბოლო ათწლეულების განმავლობაში, ადგილობრივი ძაღლების გენოფონდი რეგულარულად ივსება ახალი მასალით, რაც მიუთითებს ახალი ძაღლების მუდმივ შემოსვლაზე რადიაციულ ზონაში. შედეგები მხედველობაში უნდა იქნას მიღებული გარეული ცხოველების გენომის სტრუქტურაზე რადიაციული დატვირთვის ზემოქმედების მომავალ დაკვირვებებში, ხაზს უსვამენ მკვლევარები.
