მწვანე სივრცეები ათასობით ადამიანის სიკვდილისგან გადარჩენის საშუალება აღმოჩნდა
იქნებოდა ურბანული მწვანე სივრცის 30 პროცენტით გაზრდით. ამ დასკვნამდე მივიდნენ ესპანეთის პომპეუ ფაბრას უნივერსიტეტის მეცნიერები, რომლებმაც კვლევის შედეგები გამოაქვეყნეს ჟურნალ Lancet-ში.
ექსპერტებმა შეაფასეს სიკვდილიანობის მაჩვენებელი 20 წელზე უფროსი ასაკის ადამიანებში, რომლებიც ცხოვრობდნენ ევროპის 93 ქალაქში 2015 წლის ივნისიდან აგვისტომდე, რაც მოიცავს 57 მილიონ ადამიანს. სიკვდილიანობის მაჩვენებლები შეუფარდეს საშუალო დღიურ ტემპერატურის ორ მოდელს, ერთი ითვალისწინებდა ურბანული სითბოს კუნძულების ზემოქმედებას, მეორე კი ტემპერატურის კლების სიმულაციას ახდენდა ხეების ფართობის 30 პროცენტიანი ზრდის გამო.
განსახილველ პერიოდში ჰაერის ტემპერატურა ქალაქებში საშუალოდ 1,5 გრადუსით მაღალი იყო, ვიდრე გარეუბნებსა და სოფლებში. მაქსიმალური სხვაობა დაფიქსირდა რუმინეთის ქალაქ კლუჟ-ნაპოკაში, სადაც ტემპერატურა 4,1 გრადუსით მეტი იყო.
მთლიანობაში, მოსახლეობის 75 პროცენტი ცხოვრობდა სითბოს კუნძულებზე, სადაც ტემპერატურის სხვაობა ერთ გრადუს ცელსიუსზე მეტი იყო და 20 პროცენტი, სადაც განსხვავება ორ გრადუსზე მეტი იყო.
6700 ნაადრევი გარდაცვალების მიზეზი იყო მაღალი ურბანული ტემპერატურა, რაზეც მოდის ზაფხულში სიკვდილიანობის 4,3 პროცენტი და წლიური სიკვდილიანობის 1,8 პროცენტი. მოდელირების შედეგებმა აჩვენა, რომ ეს რიცხვი შეიძლება შემცირდეს 2644 სიკვდილით, თუ მწვანე ნარგავებით დაფარული ფართობი 30 პროცენტით გაიზარდა.