ექიმები ხანდაზმულებში ჭარბი წონის დადებით მხარეზეც საუბრობენ
ჭარბი წონა და სიმსუქნე საფრთხეს უქმნის ჯანმრთელობას და სიცოცხლესაც კი, მაგრამ არსებობს გამონაკლისი ამ წესიდან.
რამდენიმე კვლევამ აჩვენა, რომ ჭარბწონიანი ხანდაზმული ადამიანები უფრო მეტხანს ცოცხლობენ, ვიდრე მათი ნორმალური წონის თანატოლები. 1-ლი ხარისხის სიმსუქნემ არ მოაახლოვა სიცოცხლის დასასრული. სიკვდილის რისკი იზრდება მხოლოდ სმი 36-ზე მეტის შემთხვევაში.
ასაკთან ერთად, ადამიანის საერთო ცხიმი იმატებს, კუნთების მასა კი მცირდება. ამ შემთხვევაში, წონა შეიძლება შენარჩუნდეს იმავე დონეზე. ასევე, ასაკოვან ადამიანებში ცხიმი გადანაწილებულია: ნაკლებადაა კანქვეშა და ვისცერული (შინაგანი ორგანოების ირგვლივ) შედარებით მეტადაა.
ჭარბწონიანი ხანდაზმული ადამიანები დიაბეტის განვითარების მაღალი რისკის ქვეშ რჩებიან, მაგრამ ძვლის სიმკვრივე იზრდება და ოსტეოპოროზის გამო ბარძაყის მოტეხილობის ალბათობა მცირდება.
65 წელზე მეტი ასაკის ყოველი მესამე ადამიანში დაცემის მაღალი რისკია და დაცემის თითქმის 15 პროცენტი მთავრდება არა მხოლოდ დაზიანებით, არამედ სერიოზული მოტეხილობებით.
უმჯობესია გქონდეთ ჭარბი წონა და იყოთ აქტიური, ვიდრე იყოთ გამხდარი და ადინამიური.