მეცნიერებმა მხედველობისა და სმენის გამააქტიურებელი ტვინის იმპლანტი შექმნეს
რამდენადაც ცნობილია, შეიქმნა სამი ნეიროჩიპი, რომლებიც საჭიროა მხედველობის, სმენის ან ნევროლოგიური დარღვევების აღსადგენად.
უსინათლოებისათვის მოამზადეს ორი მოწყობილობისგან შექმნილი სისტემა: შიდა ნაწილი (იმპლანტი) და გარეთა (კამერა და მიკროკომპიუტერი ტვინში გამოსახულების გადასაცემად). მოწყობილობა გარესამყაროს დანახვის საშუალებას მისცემს როგორც სრულად უსინათლო პაციენტებს (მათ შორის მათაც, ვისაც თვალები არ აქვს), ისე იმ ადამიანებსაც, რომელთაც ნაწილობრივ აქვთ მხედველობა შენარჩუნებული.
სმენადაქვეითებულებისა და სმენის დარღვევის მქონე ადამიანებისთვის მიკროჩიპი ტვინს ეხორცება. მოწყობილობის მეორე მცირე ზომის მიკროფონიანი მოწყობილობა თავსდება უშუალოდ ყურის შიგნითა ნაწილში (ლოკოკინაში, სადაც ნერვული დაბოლოებებია განთავსებული).
მესამე ნეიროიმპლანტი დაეხმარება სხვადასხვა ნევროლოგიური დარღვევის მქონე ადამიანებს, როგორებიცაა ტურეტის სინდრომი, პარკინსონის დაავადება – ტრემორით ან ქრონიკული ტკივილის სინდრომით.
მოცემული მომენტისათვის მოწყობილობა ცხოველებზე კვლევის ბოლო სტადიას გადის (ის დატესტეს მაიმუნებზე). ყველა ექსპერიმენტი წარმატებული იყო და 2024 წლისთვის მეცნიერები მოწყობილობის მოხალისეებზე გამოცდას გეგმავენ.