მეცნიერებს ღამის კოშმარები პარკინსონის დაავადების წინამორბედად მიაჩნიათ
კვლევის შედეგები მეცნიერებმა გამოაქვეყნეს ჟურნალში Clinical Medicine.
ამისათვის მეცნიერებმა გააანალიზეს აშშ-ში მცხოვრები 3818 მარტოხელა ხანდაზმული მამაკაცის 12-წლიანი მონაცემები. ექსპერიმენტის მონაწილეებს სთხოვეს, შეევსოთ ანკეტები, სადაც იყო ძილის ხარისხთან დაკავშირებული კითხვები. აღმოჩნდა, რომ ის მოხალისეები, რომლებიც საშიშ სიზმრებს ხედავდნენ კვირაში ერთხელ მაინც, უფრო მიდრეკილნი იყვნენ ისეთი ნეიროდეგენერაციული დაავადებებისაკენ, როგორიცაა პარკინსონი. კვლევის სტატისტიკის თანახმად, ხშირი კოშმარი ხანდაზმულ ადამიანებს შორის ზრდიდა ამ დაავადების განვითარების რისკს უახლოესი ხუთი წლის განმავლობაში. ამიტომ ეს შეიძლება გამოდგეს ბიომარკერად.
მომავალში მეცნიერები ვარაუდობენ დამატებითი კვლევების ჩატარებას მეტი მოხალისეს მონაწილეობით. ასევე ფიქრობენ დაადგინონ შესაძლო კავშირი სიზმრებსა და ნერვული სისტემის სხვა, მაგალითად, ალცჰაიმერის დაავადებას შორის.