აზრების კითხვის ნეიროპროთეზმა პარალიზებულ ადამიანს მეტყველების უნარი დაუბრუნა
რომელსაც არ შეუძლია ლაპარაკი ან ბეჭდვა, შეძლო ათასზე მეტი სიტყვის "გამოთქმა" ნეიროპროთეზის გამოყენებით, რომელიც თარგმნის თავის ტვინის ტალღებს სრულ წინადადებებად.
მამაკაცმა, სახელად BRAVO1, რომელიც გახდა კვლევის პირველი მონაწილე, ინსულტი გადაიტანა დაახლოებით ათი წლის წინ, როდესაც ის 20 წლის იყო. შედეგად, მან დაკარგა გასაგებად ლაპარაკის უნარი, თუმცა კოგნიტურ ფუნქციებზე გავლენა არ მოუხდენია. კვლევის ავტორების თქმით, პაციენტის ერთ-ერთი საყვარელი ფრაზა იყო გამოთქმა: „ყველაფერი შესაძლებელია“. გარდა ამისა, BRAVO1 იტყობინება, რომ მას აბსოლუტურად არ მოსწონს საკვები, რომელსაც აძლევენ.
ტვინის ტალღების წასაკითხი მოწყობილობა 2019 წელს პაციენტს ჩაუნერგეს მისი ტვინის ზედაპირზე სამეტყველო-მოტორული ქერქის ზემოთ. მისი დახმარებით მეცნიერებმა შეძლეს თვალყური ედევნებინათ სხვადასხვა ელექტრული სიგნალებისთვის, რომლებიც ჩნდება პაციენტის ტვინში სიტყვის წარმოთქმის მცდელობისას.
ახლა მოწყობილობას შეუძლია წუთში დაახლოებით 29 სიმბოლოს გაშიფვრა, შეცდომის სიხშირით 6% - დაახლოებით შვიდი სიტყვა წუთში. ნეიროპროთეზის ლექსიკა დაახლოებით 1150 სიტყვას შეადგენს, მაგრამ მომავალში ის შეიძლება გაფართოვდეს ცხრა ათასზე მეტ სიტყვამდე. ეს შეესაბამება სიტყვების რაოდენობას, რომელსაც ადამიანების უმეტესობა იყენებს წელიწადში.
ვინაიდან ნეიროპროთეზირებას თან ახლავს თავის ტვინის ქირურგიული ჩარევის გამო მაღალი რისკი, მეცნიერთა გამოგონებას, სავარაუდოდ, უახლოეს მომავალში გამოიყენებს ადამიანების ძალიან მცირე რაოდენობა.