შეიქმნა ტვინის სიმსივნის მკურნალობის ეფექტური მეთოდი
ეს უჯრედები უტევენ სიმსივნის უჯრედებს.
გლიობლასტომა ტვინის სიმსივნეებს შორის ერთ-ერთი ყველაზე ავთვისებიანი სახეობაა, რომელიც ვითარდება ნეიროგლიების დეფექტური უჯრედებიდან. მკურნალობის მიმდინარე სტანდარტად ითვლება სიმსივნის ქირურგიული მოშორება შემდგომი რადიო- და ქიმიოთერაპიით. თუმცა 90% შემთხვევაში დაავადებას ახასიათებს რეციდივები ლეტალური გამოსავლით.
დღეისათვის მეცნიერები ამუშავებენ უფრო პერსპექტიული უჯრედული თერაპიის მეთოდებს, როდესაც მკურნალობისთვის გამოიყენება პაციენტის საკუთარი ქსოვილის, მაგალითად, ძვლის ტვინის ღეროვანი უჯრედები. ეს უჯრედები ინაცვლებენ სიმსივნის მხარეს და ხვდებიან მის მიკროგარემოცვაში, რის შედეგადაც გამოათავისუფლებენ სიმსივნური უჯრედებისათვის ტოქსიკურ მოლეკულებს.
ახალ კვლევაში მეცნიერებმა განსაზღვრეს შესაბამისი სამიზნეები, რომლებზეც შეიძლებოდა მიმართული ყოფილიყო ღეროვანი უჯრედები. ამისათვის მათ ჩაატარეს გლიობლასტომით დაავადებული თაგვის სისხლში მოცირკულირე სიმსივნური უჯრედების ძიება. მოცირკულირე სიმსივნური უჯრედები არის მარკერები, რომლებიც მიუთითებს ორგანიზმში სიმსივნის არსებობას და აქვთ სპეციფიკური მოლეკულა-რეცეპტორები. აღმოჩნდა, რომ სხვადასხვა ნიმუშის მოცირკულირე სიმსივნური უჯრედები უჯრედული სიკვდილის სხადასხვა დონის მატარებლები არიან.
ღეროვანი უჯრედები მიიღეს ჯანმრთელი პაციენტების ძვლის ტვინიდან, რის შემდეგაც მათი მოდიფიკაცია მოახდინეს იმგვარად, რომ ისინი გამოიმუშავებდნენ ცილა თღAIL-ს და მარტივი ჰერპესის ვირუსის თიმიდინკინაზას. ეს უკანასკნელი მოქმედებს როგორც სიმსივნური უჯრედების განადგურების გადამრთველი და ასევე იწვევს ღეროვანი უჯრედების თვითმოშორებას მკურნალობის შემდეგ. სისხლით და თავ-ზურგტვინის სითხით გამორეცხვისგან ღეროვანი უჯრედების დასაცავად სიმსივნის რეზექციის ღრუში მეცნიერებმა მოათავსეს ისინი ჰიდროგელის კაფსულებში.
უჯრედული თერაპიის ეფექტურობის შესამოწმებლად მეცნიერებმა თავდაპირველად დაბეჭდეს „მინიტვინი“ გლიობლასტომით, რომლის ინკაფსულირებული უჯრედებით დამუშავებისას აღინიშნა სიმსივნის ზრდის მნიშვნელოვანი დაქვეითება. შემდეგ ბიფუნქციური ღეროვანი უჯრედების იმპლანტირება მოახდინეს თაგვების სიმსივნის რეზექციის ღრუში. მეშვიდე დღე სიმსივნური ქსოვილის მოცულობა მნიშვნელოვნად შემცირდა.