D ვიტამინის ნაკლებობამ შეიძლება გაზარდოს სიკვდილის რისკი
ისევე როგორც კიბოთი, გულის ან ფილტვის დაავადებით სიკვდილის რისკს.
კვლევა გამოქვეყნდა Annals of Internal Medicine-ში. მკვლევართა ჯგუფმა მოიძია 307000-ზე მეტი ადამიანი, ვისთვისაც D ვიტამინის დონე სისხლში და მათი გენეტიკური მონაცემები ხელმისაწვდომი იყო ბრიტანულ ბიობანკში.
მათ აღმოაჩინეს, რომ D ვიტამინის დეფიციტისადმი გენეტიკურად მიდრეკილნი 25%-ით უფრო მაღალი იყო სიკვდილის რისკი, ვიდრე იმ ადამიანებს, რომელთა გენეტიკამ ხელს შეუწყო D ვიტამინის ჯანსაღ დონეს. გენეტიკურად განსაზღვრული D ვიტამინის დეფიციტი ასევე ზრდის სიკვდილის რისკს გულ-სისხლძარღვთა დაავადებისგან 25%-ით, კიბოთი 16%-ით და ფილტვის დაავადებით 96%-ით.
სიკვდილის შანსი უფრო მაღალი იყო გამოხატული დეფიციტისას. მაგალითად, ჯანმრთელ ადამიანთან შედარებით, მძიმე დეფიციტის მქონე პაციენტში ექვსჯერ უფრო მაღალი იყო რაიმე მიზეზით ან გულ-სისხლძარღვთა დაავადებით სიკვდილის რისკი, სამჯერ მეტი კიბოსგან და 12-ჯერ უფრო მეტი ფილტვების დაავადებით. D ვიტამინს აქვს ანთების საწინააღმდეგო და სხვა ბიოლოგიური ეფექტები, რომლებიც ანელებს კიბოს უჯრედების ზრდას და სიმსივნის პროგრესირებას.
თუმცა, მტკიცებულებები D ვიტამინისა და მისი ეფექტურობის შესახებ კიბოს ავადობისა და სიკვდილიანობის პრევენციაში ჯერ კიდევ არაერთგვაროვანია და საჭიროა მეტი კვლევა.
საკამათოა მონაცემები D ვიტამინის ეფექტურობაზე ქოლესტერინის დონესა და არტერიულ წნევაზე. ადამიანები, რომლებიც არ იღებენ საკმარის მზის სხივს, უნდა მიიღონ მეტი D ვიტამინით მდიდარი საკვები, მათ შორის ცხიმიანი თევზი, სოკო, რძე, ფორთოხლის წვენი და ამ ვიტამინით გამდიდრებული მარცვლეული. ასევე შეიძლება საჭირო გახდეს D ვიტამინის დამატება, მაგრამ ეს უნდა მოხდეს მხოლოდ სისხლში D ვიტამინის დონის გამოკვლევის შემდეგ და მხოლოდ ექიმის მიერ ეროვნული სამედიცინო გაიდლაინების შესაბამისად.