ლალი ჩხიკვაძე

ადამიანები ამგვარად ეხმარებიან საკუთარ თავს გაღვიძებაში, მაგრამ ამავდროულად აიძულებენ ორგანიზმს, რამდენჯერმე განიცადოს სტრესი. ამ დასკვნამდე მივიდნენ ნეირომეცნიერები ინდიანას ნოტრ დამის უნივერსიტეტიდან (აშშ).

ადრეული კვლევებიდან ცნობილია, რომ მაღვიძარას შეუძლია ძილის ციკლების შეწყვეტა და ამით გაღვიძების გაძნელება. ალბათ ამიტომაა, რომ ფუნქცია "ჩაჩუმება რამდენიმე წუთი" ძალიან მიმზიდველად ეჩვენება ბევრ ადამიანს დილით, როდესაც მათ ჯერ კიდევ სძინავთ.

ახალი ნაშრომის ავტორებმა აჩვენეს, რომ მონაწილეთა 57% იყენებს მას და დგება საწოლიდან მხოლოდ 2-4 დარეკვის შემდეგ. მეცნიერებმა გადაწყვიტეს გაერკვნენ, თუ როგორ მოქმედებს ეს ძილსა და ჯანმრთელობაზე.

ექსპერიმენტის შედეგებმა, რომელშიც 450 ადამიანი მონაწილეობდა, აჩვენა, რომ ძილის ინერციის შემცირების მეთოდი მუშაობს, მაგრამ ის იყენებს სხეულის სტრესულ სისტემას გაღვიძებისთვის.

ასევე გაირკვა, რომ დილის „ძილის“ ეს ფორმა უფრო ახალგაზრდებსა და ქალებს ახასიათებთ (50%-ით უფრო მეტად ახანგრძლივებენ ძილს), ასევე „ბუებს“. მათ, ვინც მაღვიძარას რამდენჯერმე გადაავადებს, უფრო მაღალი გულისცემა აღენიშნებოდა და ექიმებმა ძილის დარღვევის მეტი ნიშნები აღმოაჩინეს. მათი ძილი გაღვიძებამდე უფრო ზედაპირული იყო.

ზოგადად, ისინი უფრო მეტად განიცდიან დაღლილობას, ვიდრე პირველ ზარზე წამომდგარი ადამიანები. „დაყოვნების“ ორი ძირითადი მიზეზი იყო: „პირველი ზარის შემდეგ ვერ ვიღვიძებ და ავდგები“; "ჩემი საწოლი ზედმეტად კომფორტულია იმისთვის, რომ მაშინვე ავდგე".

კვლევის ავტორები დასძენენ, რომ თანამედროვე ადამიანებში ძილის ქრონიკული ნაკლებობაც არ შეიძლება გამოირიცხოს. მეცნიერები ამბობენ, რომ ცალსახად იმის თქმა, რომ მაღვიძარაზე ჩაჩუმების ღილაკი საზიანოა, ჯერჯერობით შეუძლებელია.

მაგრამ მაღვიძარას სიგნალი, რომელსაცც ადამიანი ძილისგან გამოჰყავს, ორგანიზმისთვის სასარგებლო არ არის, ეს ფაქტია. სტრესის შესამცირებლად კი სჯობს ძილი გავახანგრძლივოთ (8 საათიდან), დაიძინოთ და გაიღვიძოთ ყოველთვის ერთსა და იმავე დროს.