კაცობრიობის ისტორიაში პირველად ადამიანს ხელოვნური სისხლი გადაუსხეს
კვლევის ავტორებმა აიღეს ადამიანის სისხლის ნიმუშები დიდი ბრიტანეთის ჯანდაცვის ეროვნული სამსახურის დონორთა მონაცემთა ბაზიდან და მოახერხეს სისხლის ხელოვნური წითელი უჯრედების გაზრდა.
ჩვეულებრივისგან განსხვავებით, ისინი ყველა ახალგაზრდაა - დონორთა სისხლში არის სხვადასხვა ასაკის უჯრედები.
„ჩვენ ვიმედოვნებთ, რომ ლაბორატორიაში გამოყვანილი ერითროციტები უფრო დიდხანს იცოცხლებენ, ვიდრე ჩვეულებრივი დონორის. თუ ჩვენი მსოფლიოში პირველი ცდა, წარმატებული იქნება, პაციენტებს, რომლებსაც ახლა ესაჭიროებათ რეგულარული ხანგრძლივი სისხლის გადასხმა, მომავალში ნაკლები ასეთი პროცედურები დასჭირდებათ. ამან შეიძლება შეცვალოს მათი მკურნალობა“, - ამბობს წამყვანი ავტორი სედრიკ გივერტი.
ხელოვნური სისხლის წითელი უჯრედების გადასხმა შესაძლებელია ანემიითა და სისხლის სხვა დაავადებების მქონე ადამიანების, ასევე სისხლის იშვიათი ჯგუფების მქონე პაციენტებისთვის.
ბრისტოლის უნივერსიტეტის უჯრედული ბიოლოგიის პროფესორმა ეშლი ტოიმ თქვა: „ეს არის უზარმაზარი წინგადადგმული ნაბიჯი ღეროვანი უჯრედებისგან სისხლის წარმოებისთვის“.
„ეს არის ლაბორატორიაში მიღებული სისხლის პირველი ტრანსფუზია ალოგენური დონორისგან და მოხარულები ვართ, რომ კარგად მუშაობენ უჯრედები კლინიკური კვლევის ბოლოს“, - ამბობს ის.
ახლა მეცნიერები ლაბორატორიაში გაზრდილი უჯრედების სიცოცხლის ხანგრძლივობას სწავლობენ. მკვლევარები იმედოვნებენ, რომ ისინი უკეთესად იმუშავებენ, ვიდრე ისინი, რასაც პაციენტი იღებს სტანდარტული დონორის სისხლის წითელი უჯრედების მსგავსი ტრანსფუზიით.