პალატის ცუდი მდებარეობა პაციენტთა სიკვდილის რისკს 35%-ით ზრდის
ფანჯრიდან ცუდი ხედით, სიკვდილიანობის ალბათობა იზრდებოდა.
კვლევაში ავტორებმა გააანალიზეს მაღალი რისკის მქონე 13 სხვადასხვა ტიპის ქირურგიული პროცედურაგადატანილი ოთხი ათასი პაცინეტის ელექტრონული სამედიცინო რუქის მონაცემები. ქირურგიული პროცედურები მოიცავდა თირკმლის ტრანსპლანტაციას ან კუჭუკანა ჯირკვლის ან მსხვილი ნაწლავის რეზექციას.
ამ მონაცემების საავადმყოფოს დაგეგმარებასთან შედარებისას, მეცნიერებმა გამოავლინეს, რომ საუკეთესოა ერთადგილიანი, სამედიცინო პოსტთან ახლოს განთავსებული პალატები.
იმ პალატებში მოთავსებულ ადამიანებში, რომელთაც ეს თავისებურებები არ ჰქონდა, 50%-ით მეტი იყო სიკვდილის რისკი.
კვლევამ აჩვენა, რომ ორადგილიანი პალატა ქირურგიული პაციენტის სიკვდილის რისკს 35%-ით ზრდიდა, ხოლო სამედიცინო პოსტიდან დაშორებულ პალატებში მოთავსებულების - 36%-ით.
მეცნიერები გაკვირვებულები დარჩნენ, როდესაც აღმოაჩინეს, რომ ექთნებმა თითქოს იცოდნენ ამის შესახებ და მძიმე პაციენტებს უფრო იღბლიან პალატებში ათავსებდნენ.
გადარჩენასა და პალატის განთავსებას შორის კავშირი შენარჩუნებული იყო მას შემდეგაც, რაც მკლვევარები ითვალისწინებდნენ ისეთ ფაქტორებს, როგორიცაა: ასაკი, ქირურგიული პროცედურა, პაციენტის დაავადების სიმძიმე ოპერაციამდე. პირველადმა ანალიზმა აჩვენა, რომ ფანჯრიდან ხედი გადარჩენის შანსს 20%-ით ზრდიდა. ამასთან ეს უპირატესობა ნაკლებად იყო გამოხატული ასაკის და პაციენტის ჯანმრთელობის მდგომარეობასთან მიმართებაში.
მეცნიერების კვლევა საშუალებას მისცემს უფრო ეფექტურად იქნას დაგეგმილი პაციენტების განთავსების სტრატეგია და პალატების განლაგება ახალ საავადმყოფოებში.