მიუხედავად იმისა, რომ დღეს საქართველოში უნაყოფობის მკურნალობის ყველა იმ მეთოდს ვფლობთ და ვახორციელებთ წარმატებით, რასაც მსოფლიოს სხვა ქვეყნებში მიმართავენ, სამწუხაროდ, ძალიან ცოტა ოჯახი ახერხებს მიმართოს რეპროდუქტოლოგს და მიიღოს რეპროდუქციული სერვისი. მიზეზი ძვირადღირებული პროცედურებია, და თუ სხვა ქვეყნებში უშვილობას სახელმწიფოც და კერძო სექტორიც თითქმის სრულად აფინანსებს, ჩვენთან ასე არაა, არც ერთი ინსტიტუცია უშვილობას არ აფინანსებს, როგორც აღმოჩნდა., სწორედ ესაა დღეისათვის ჩვენთან უშვილო წყვილების მთავარი პრობლემა და არა მისი გადაჭრის სამედიცინო გზები. „ - ამბობს ქართულ-გერმანული რეპროდუქციული ცენტრის კლინიკური დირექტორი ნინო მუსერიძე.

სწორედ ამ ბარიერის დასაძლევად შეიქმნა ფონდი „შენთვის“, როგორც ქართულ-გერმანული რეპროდუქციული ცენტრის სოციალური პასუხისმგებლობა და უშვილო წყვილების მხარდაჭერის პროექტის ფარგლებში კლინიკის მედიკოსთა გუნდი სისტემატიურად ატარებს მთელი საქართველოს მასშტაბით. უფასო კვლევების და კონსულტაციების აქციებს. 12-13 ოქტომბერს კლინიკის რეპროდუქტოლოგი, უროლოგი, რადიოლოგი და ონკოქირურგი ზუგდიდსა და მესტიას ესტუმრნენ, სამეგრელო-ზემო სვანეთის მოსახლეობისთვის რეპროდუქციული კვლევების მიზნით.

„ზუგდიდში თითქმის ყოველთვიურად გვაქვს მსგავსი აქცია ადგილობრივი მოსახლეობის თხოვნით და ყოველ ჯერზე ასამდე პაციენტს ვუტარებთ კვლევებს და კონსულტაციას, ყოველ შემდეგ ვიზიტზე უკვე დაბადებული ბავშვებით გვსტუმრობენ ადგილობრივი პაციენტები, ესაა ის მთავარი მიღწევა და შედეგი, რასკენაც ჩვენ მივისწრაფით, მეტი ახალი სიცოოცხლე და ერის გენოფონდის გადარჩენა, საქართველო ურთულეს დემოგრაფიულ ვითარებაშია ბოლო დროს და ეს ჩვენი დადებული ერთი აგურია ამ მიმართულებით. სვანეთში პირველად ამოვედით, იმედი გვაქვს აქაც ისეთივე შედეგები გვექნება, როგორც აჭარის, სამეგრელოს, კახეთის რეგიონებში.

მესტიის ამბულატორიაში კლინიკის და სოფლების ოჯახის ექიმებისთვის ჩავატარეთ სემინარი თემაზე: „რეპროდუქციული მედიცინა დღეს, რას სთავაზობს ოჯახის ექიმი უშვილო წყვილს და რა შედეგის მიღწევა შეუძლია რეპროდუქტოლოგს“. ოჯახის ექიმთა კითხვებს კლინიკის სპეციალისტები პასუხობდნენ, განსაკუთრებული ინტერესი გამოიწვია ადგილობრივი კოლეგების მხრიდან სიახლეებმა რეპროდუქციულ მედიცინაში, რას სთავაზობს სტუმარი კლინიკა დღეს უშვილო წყვილებს და ფონდის თანადაფინანსების პროგრამამ. მსგავსი აქციები და სემინარები მომავალშიც ჩატარდება სხვადასხვა რეგიონში ადგილობრივთა მოთხოვნის საპასუხოდ.