იაპონელებმა ნებისმიერი ატირებული ბავშვის დამშვიდების საშუალება აღმოაჩინეს
მეცნიერებმა გამარკვიეს როგორ უნდა დავარწიოთ მტირალა ბავშვი. სტატია გამოქვეყნდა ჟურნალში Current Biology.
პატარა ბავშვები ტირილს სხვადასხვა მიზეზის გამო იწყებენ, რომელიც ხშირად შეიძლება არც იყოს დაკავშირებული რეალურ წუხილსა თუ დისკომფორტთან. ამასთან ბავშვის ტირილი უფროსებს ძილში და მნიშვნელოვან საქმიანობაში უშლის ხელს. ხშირად ბავშვს ამშვიდებს ხელში აყვანა. მაგრამ უცნობია რაზეა დაძინების რეაქცია დამოკიდებული.
RIKEN ინსტიტუტის (იაპონია) ტვინის შემსწავლელი ცენტრის სპეციალისტები შეეცადნენ დარწევის უნივერსალური ტექნიკა მოეძებნათ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ამისათვის მათ 22 ბავშვის მონაწილეობით ექსპერიმენტი ჩაატარეს. მათ დედებს შესთავაზეს ერთიდაიგივე მოქმედების შესრულება: 1. დედას ბავშვი ხელში ეჭირა და თან დადიოდა; 2.დედას ბავშვი ხელში ეჭირა და იჯდა, 3.ბავშვს საწოლში აწვენდა და 4.ბავშვს საწოლში არწევდა. პროცედურა 5 წუთიდან ნახევარ საათამდე გრძელდებოდა. ამ დავალების შესრულებას გულდასმით აკვირდებოდნენ, ბავშვის ქცევას იწერდნენ ვიდეოზე და იღებდნენ ეეგ-ს მაჩვენებელს.
აღმოჩნდა, რომ ყველაზე წარმატებული სტრატეგიაა ბავშვთან ერთად სიარული და შემდგომი ჯდომა 5-8 წუთის განმავლობაში. 5 წუთი სიარულის შემდეგ, 11 ბავშვიდან 5 იძინებდნა და არც ერთი მათგანი აღარ ტიროდა დავალების ბოლოს, ხოლო ორმა ბავშვმა დაიძინა მას შემდეგ, რაც დედა დაჯდა.
მეცნიერები ფიქრობენ, რომ ძილის პირველ 8 წუთში ბავშვებს დაბალი აღგზნებადობის ზღვარი აქვთ და ამიტომ ისინი ადვილად იღვიძებენ. ამ პერიოდის გავლის შემდეგ, მათი ჩაწვენა საწოლში შესაძლებელია. თავისთავად დამშვიდება უკავშირდება ე.წ. მოძრაობის რეაქციას, როდესაც ბავშვთან ერთად დადიან. ბავშვთან ერთად ჯდომის შემთხვევაში ის არ აქტიურდება.
